Horae Belgicae
(1968)–A.H. Hoffmann von Fallersleben–
Auteursrechtelijk beschermd
[pagina 340]
| |
Ghi hebt v gantsche geheele macht
Met al v hulpers op ghebracht
Ghy woudet Heynsborch winnen
Maer si wisten wel bat van binnen
2.[regelnummer]
Hansken van Gelder ghy moecht wel zwijgen
V pochghen dat en achten wi niet
Ghy waendet Heynsborch te crijghen
Met bedelen int verdriet
Ghi zijt v leuen behouden man
Want die so naerstelijc bedelen can
den cost moet hi verweruen
Hoe soudt ghy connen bederuen
3.[regelnummer]
Ghy waert so dapper int spreken
Ghi bruyctet soe menich woort
Verhalende onse ghebreken
Dat hebben wi wel ghehoort
Wy en achten v snorcken niet een kaf
Dantworde die v den koeckoeck gaf
Met clappen vander keyen
Daer mocht ghi v toe bereyen
4.[regelnummer]
Die Prins al van Araignen
Heeft dat vernomen saen
Van alle die groote calaignen
Datmen Heynsborch heeft ghedaen
Si hebbent beschoten met menighen schoot
En hebbent ghebrocht in spijsens noot
Si meenden het waer ghewonnen
mer ten was niet half begonnen
5.[regelnummer]
Die Prins die wildet beletten
Als een veltheer fier
Al om Heynsborch tontsetten
Heeft hi versamelt schier
Van Ruyter en knechten een groot gewelt
En heeftse in een slachoorden ghestelt
En borcht Heynsborch victaille,
Jn spijt des Ghelders rapaille
| |
[pagina 341]
| |
6.[regelnummer]
Wat segdy ghy cleefsche knechten
Hoe waerdy also bedacht
Dat ghi niet en dorfte vechten
Doen ghy ons hadt verwacht
Het scheen ghy hadt so grooten moet
ghi en wildet ons ontwijcken niet eenen voet
Al waren wi noch thien hoopen
Waer om ghinct ghy dan loopen
7.[regelnummer]
Des Paeschauonts victory
Hadt v seer sot gemaect
Met een verwaende glory
Waerdi seer qualick geraect
Certeyn ghy haddet al anders ghemeent
Ghi hadt den Hertoch tgheschut ontleent
Ghi en wildet niet betalen
Die Prince moestet weder halen
8.[regelnummer]
Hertoch van Cleef met uwen steden,
En doet gheen verloren pijn
En laet Heynsberch met vreden
Ten mach niet anders zijn.
Ende legt den Keyser thooft inde schoot
Ghi weet zijn roaeht is v te groot
Wat condy dan bedrijuen
die minste moet ghi bliuen
|
|