Briefwisseling. Deel 2: 1634-1639

1097. C. Barlaeus⁹⁾. (L.B.)

Aequo animo, mi Hugeni, ferenda sunt fulmina ista, aut potius fulgetra, quae in nostrum caput iaculatus fuit gravissimus senator. Ferenda sunt, inquam,

9) Uitgegeven door J.A. Worp in Oud-Holland, V, 1887, blz. 120.

[p. 57]

 

Stantibus a tremulo, fortibus a vielo¹⁾,

ut tu canis μάλα λιγέως. Senum ictus tardiores sunt, sed certiores. Nos Daretes sumus, ille Entellus est; quo isti eventu pugnaverint, apud Maronem videre est²⁾. Nolo ferire ego, ut feriar. Nos dum impetu rem gerimus, consilio et senili prudentia eludimur. Habent occultos feriendi modos decrepiti mirmillones. Metuo mihi a dentibus exercitatis et eruditis. Nec enim senes omnes edentuli sunt. Verba illis et verbera dare, difficile est. Sunt edaces et, cum irascuntur, dicaces. Maxillae illis pro baculo sunt. Ita Graeci aiunt: ἀνδρὸς γέροντος αἱ γνάϑοι βαϰτηρία. Silentij et patientiae tutum praemium. Non valde me offendit suo epigrammate. Ideo contentus fui leviter decoxisse bilem³⁾. Si te laesit magis, per me licet, ut tibi vapulet magis. Tu feri inclementius, sed tuo periculo. Minore discrimine ad bella instigamus alios, quam pugnamus ipsi. Suave mari in magno est. Quid si vindictae immemores mittamus Faunos, Satyros et Satyras, et pacatis animis gratulemur optimo seni legati honorem, aut propemptico abeuntem prosequamur? In hoc totus inclino. Non bellaturio. Ista iam Gallorum est Sparta. De epigrammatibus, quae in parentis tui effigiem scripsisti⁴⁾, quid dicam? Veneris sandalia sunt, et lineae Appelleae, praesertim duo priora. Vale, cordatissime, et amplissimo Honerdo meis verbis legati provinciam gratulare⁴⁾. Amstelod., XXIV Mart. CIƆIƆCXXXV.

1) Dit is vs. 4 van Huygens' versje Ad Barlaeum in communem adversarium παρόρμησις (vgl. Gedichten, II, blz. 319).

2) Aen., V, vs. 369, sqq.

3) Zie zijn vers Ad ..... Honerdum ..... (vgl. Gedichten, t.a.p.).

4) Zie blz. 45. Barlaeus heeft zijn plan volvoerd en verzen geschreven op Van den Honert als gezant (vgl. Poem., II, 168, 169 en 171).

4) Zie blz. 45. Barlaeus heeft zijn plan volvoerd en verzen geschreven op Van den Honert als gezant (vgl. Poem., II, 168, 169 en 171).