Briefwisseling. Deel 2: 1634-1639

1524. C. Barlaeus⁴⁾. (L.B.)

Quam longo tempore, praeter morem meum, egi Harpocratem. Ignosce, ignosce. Sylvas mihi epigrammatum misisti facetissimorum et doctissimorum, quibus singulis ut responderem, aut mea apponerem, sensi me imparem. Abripuit me pene in stuporem epistola illa tua, qua totum totus Senecam spiras et loqueris. Non potuerunt ejus lectione saturari amici. Epigrammata tua in sphaeras aedium tuarum fumosis turribus impositas⁵⁾ talia sunt, ut mihi materiem omnem meditandi surreptam aut praereptam libens fatear. Non puto in istis tuis sphaeris distinctas esse terrarum aut coeli zonas, cum hominum omnium passim mores confundat fumus, hoc est, eadem vanitas. Debebat illic legi Vorstius redivivus⁶⁾, cum mendacia et nugas vendat, hoc est, fumos. Debebat illic habitare Daventriensis⁷⁾, qui facto cum alijs syncretismo fumos colligit, quos eructabit propediem. Mihi cum istis bubonibus luctari non vacat. Bacchae bacchanti etc.⁸⁾. Satis sit semel sententiam et vitae institutum explicuisse. Mitto homiliam in praesepe⁹⁾, sive Natalem Domini et Servatoris nostri Jesu Christi. Inveniet et hic improbitas, quod arrodat. Nempe cavillabitur, me praesepi ligneo attribuere multa, quae ego de praesepi, metonymice

4) Uitgegeven door Van Vloten, Hooft's Brieven, IV, blz. 297.

5) Vier versjes Pro quatuor sphaeris ferreis, in tubos fumarios aedium mearum impositis (vgl. Gedichten, III, blz. 28). - Op de vier schoorsteenen van het huis, dat Huygens liet bouwen, waren ijzeren wereldbollen geplaatst.

6) Zoo heette het pamflet, dat Martinus Schoock tegen de Vindiciae van Barlaeus had geschreven, onder het pseudoniem van Justus Faber (vgl. Oud-Holland, VIII, blz. 93).

7) Nl. Nicolaus Vedelius; zie blz. 208.

8) De regels van Plautus, Amph., 2, 2, vs. 71, luiden:

‘Bacchae bacchanti si vis advorsarier,

Ex insana insaniorem facies, feriet saepius:
Si opsequare, una resolvas plaga?’

9) Zie blz. 216.

[p. 223]

sumpto, ex phrasi patrum et veteris ecclesiae intellecta volo. Augustinus praesepe adorandum vocat, hoc est Christum, qui in praesepi iacet; praesepe vocat gratiae et consolationum fontem, hoc est Christum, qui in cunis vagit. Exemplaria quaedam amicis inscripsi; illa velim per famulum distribui. Vale, vir maxime, et quem nobiscum exortus es annum feliciter tibi tuisque decurre. Amstelod., XIII Jan CIƆIƆCXXXVII.