Briefwisseling. Deel 3: 1640-1644

2618. Aan M. Zuerius Boxhorn. (K.A.)aant.

Silui ad illam pridem mihi perspectam, nunc autem novis documentis probatam humanitatem tuam, donec doctior utroque munere factus clarius intelligerem, quantum utriusque nomine deberem. Illud nunc lectorem stilo et scriptorum argumentis docuisti, quorum ut ille politissimus perpetuum bene dicendi exemplar tironibus nobis est, hisce validissimis rationibus suffultus veritatem utriusque et patriae existimationem asseris invicte ἀναντιλέκτος. Salmasio enim non dilucide minus, quam modeste - quod laudo - probas,

[p. 137]

foenebres mensas Trapezitarum rem privatam et propriam, non vero magistratus esse legibus patrijs, quod erat demonstrandum, ut a procerum prudentia, quam ei maculam affricare satagit, nos arceamus¹⁾. Mallincrotio²⁾, si candorem habet, ut doctrinae non videtur expers esse, jam persuasisti, Laurentij Costeri inventum esse incisos in tabellam continuos, non discretos, typos, et praelum proinde, ut bene argumentaris, et tenacis atramenti picem, ut sine quibus frustra typi fuissent³⁾. A priori adversario, viro utique maximo, sed Burgundo⁴⁾, quid expectandum sit, facile divinamus; nimirum vinci nolle, nec doceri. Cum altero non jam facti, nec rixae minus, sed juris quaestio superest, invertorne characteris incisi, praeli atque atramenti, autor typographiae sit, an qui his inventis alteri subreptis aliquid sensim addiderit, quo nunc adjuti facilius, ornatius, uberius rem typographicam administremus. Compromitte vero, in quos voluerit arbitros. Si litem contestatur, causâ cecidit. Tametsi ut ingenia sunt horum hominum, ne quidem debellatas manus dabit. Quod si vere hariolor, atque insurgat denuo, etiam atque etiam rogo, participem me rescripti facias, ut magis discam, quid pertinacia possit et succumbendi pudor, ubi semel se precipites in falsi patrocinium dedere, qui literas, ut prae se ferunt, humanas tractant, ut res est, maxime inhumanas..... Hag. Com., 22 Jan. 1641.

1) In 1640 had Salmasius een boek geschreven De Foenore Trapezitico, Leiden, en Boxhorn bestreed hem in zijne Dissertatio de Trapezitis; zie blz. 129.

2) Bernard von Mallinckrodt (1591-1664) werd van luthersch katholiek en daarna domheer in Munster. In 1655 moest hij wegens zijne intrigues tegen bisschop Bernard van Galen vluchten; later teruggekeerd, is hij gevangen genomen. Hij heeft het werkje De ortu et progressu artis typographicae geschreven.

3) Boxhorn schreef De Typographicae Artis Inventione et Inventoribus Dissertatio, Leiden, 1640, waarin hij trachtte te bewijzen, dat de boekdrukkunst te Haarlem was uitgevonden.

4) Nl. Saumaise.