Briefwisseling. Deel 4: 1644-1649

3710. Aan Utricia Ogle⁴⁾. (K.A.)

Je veux bien mal aux malheureuses expressions de ma plume, qui vous ont faict comprendre que je mesprisasse une rareté passée par vos belles mains, qui pour cela seul le devoit estre⁵⁾. Je ne sçay comment je m'en seray expliqué; mon intention a esté de dire, que la viande ne vault pas le potage, que la forme surpasse la matiere, et enfin que l'excellente main du peintre faict honte aux intentions triviales du musicien, c'est à dire, qu'il y a much adoe about nothing⁶⁾. Ce qu'ayant une fois veu appliquer par une dame à une matiere dont elle estoit plus ignorante que moy de la peinture, je prie que si je me suis mespris icy, nous soyons quittes pour ceste fois, et ne nous reprochions plus rien. Si vous me permettez d'y adjouster encor un mot, je diray, que j'estime si peu le jugement du maistre, que je revere la gentillesse de sa tresexcellente plume. Ne m'entendez-vous pas encore? Je veux dire ce que j'ay dit en ces six vers, lesquels, malgré que vous et le peintre n'en puissiez scavoir, j'ay escrit au front de ce beau livre, esperant que pour l'amour de ceste verité au moins vous perdrez l'envie de le perdre, c'est à dire de me le laisser, qui n'entens point qu'il intervienne des presens, au moyen desquels il soit dit que je devienne plus que je ne suis ..... Assenede, 25 Aoust 1644.

4) Zie III, blz. 325.

5) Hier wordt gedoeld op Huygens' versje Dans le beau livre d'airs de Mad.^le Ogle, escrit et peint à la main (vgl. Gedichten, III, blz. 318), den 1sten Augustus geschreven.

6) Is het eene toespeling op Shakespeare's blijspel?