Briefwisseling. Deel 5: 1649-1663

5928. Aan J. Sauzin. (H.A.)aant.

J'ay receu vostre depesche du 13^e Septembre¹⁾ avec les joinctes que j'ay envoyées où elles s'adressoyent, m'asseurant qu'elles n'y auront faict que de bons effects, S.A.M. voyant que ceux qui luy doibvent du respect et de l'obeïssance, commencent à reconnoistre ceste debte, dont quelque jour ils ne pourront que se bien trouver, comme le contraire en d'autres pourroit causer des effects fort contraires. Hier je receus tout ce que vous m'avez envoyé, M. de Lubieres et vous, du 24^e et 27^e2), dont aussi j'ay donné connoissance en Hollande. S'il me vient quelque ordre là dessus, vous en sçaurez des nouvelles. - On va m'envoyer les postes pour le payement desquels il faudra qu'il soit donné ordre à Orange, et en suitte tout vous sera communiqué pour en procurer les effects. - En general sachez, que comme les nouveaux fermiers³⁾ se considerent en mesme condition que les premiers dont ils ont eu le transport, l'intention est que tout ce qu'il y a d'argeut de la ferme escheu que S.A. n'a point encor touché, demeure comme il est soubs lesdits fermiers, eu attendant que S.A.M. ou tel qu'il luy plaira d'authoriser pour cest effect, en dispose par ordonnance expresse, comme il sera trouvé convenir. C'est de quoy on se repose en vos soings. - Depuis ma derniere du 19^e Sept.⁴⁾ Mons.^r le Tellier m'a confirmé absolument l'advis de M. le comte de Brienne, declarant qu'il n'y aura point de difficulté au peage en essence, à l'effect de quoy, à mon instance, il m'a promis une lettre à M. de Besons, laquelle il m'asseura hier qu'il m'envoyeroit pour aujourdhuy mesme, qui est le jour de l'ordinaire. Si je la reçois encor à temps, vous l'aurez dans ce pacquet, et ne serez pas marri, je m'asseure, d'une si bonne issue de ceste fascheuse affaire. Je suis ..... 6^e Octo. 1662, Pa[ris].

Voyci la lettre encor, comme M. le Tellier vient de me l'envoyer⁵⁾. C'est

1) No. 5914.

2) No. 5914a en 5922.

3) Als zoodanig waren op 15 Juli opgetreden d'Alibert, des Aluz en Colombet.

4) No. 5916.

5) Eene kopie van dien brief, gedateerd 6 October, is bij de papieren.

[p. 484]

un arrest d'importance pour S.A.; faictes la bien enregistrer authentiquement et que M. de Besons l'aye aussitost.