Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Momenta desultoria (1655)

Informatie terzijde

Titelpagina van Momenta desultoria
Afbeelding van Momenta desultoriaToon afbeelding van titelpagina van Momenta desultoria

  • Verantwoording
  • Inhoudsopgave

Downloads

PDF van tekst (1.72 MB)

ebook (3.47 MB)

XML (0.86 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Momenta desultoria

(1655)–Constantijn Huygens–rechtenstatus Auteursrechtvrij

Vorige Volgende
[pagina 257]
[p. 257]

Constantini Hvgenii
Epigrammatum Lib. IX.
Homo
&
varia svpellex.
Apophoreta.

[pagina 259]
[p. 259]

Constantini Hvgenii
Epigrammatum
Lib. IX.
Homo.

Capilli.

 
TOrtus hic in fila est sudor: quid homuncio turges,
 
Cujus in excelso est ipsa corona vapor?

Caput.

 
ES, quod es, ingenio: ingenii pretiosa supellex
 
Hìc latet: infernè vivus es; hàc es homo.

Oculi.

 
QVàm benè donasset geminam natura fenestram,
 
Una domo radium si ferat, una domum!Ga naar margenoot+

Iidem.

 
O Animi specula, ô κτίσεως portenta stupendae,
 
Vos ego, qui capitis omnia, non capio.

Frons.

 
NEscio quì sartam gerimus sine vulnere frontem,
 
Quam quis nescit Evam perfricuisse viro?
[pagina 260]
[p. 260]

Auris.

 
HAuris fortè fui, quae lapsu temporis Auris
 
Dicor. an hoc aurum nomen, an aura dedit?

Eadem.

 
NIl opus est Medico: Bilem, Rhabarbarum, & ipsam,
 
Si gustes, Aloën Auris amara caco.

Eadem.

 
OPpone auriculam: qui te vocat, Arcas, in aulam,
 
Huic opus aurito teste fuisse scio.

Tempora.

 
TEmpora mutantur & Ga naar margenoot*nos mutamur in illis.
 
O mores, virgo, ô tempora, dicat anus.

Supercilium.

 
SYlva repellendis praefigitur ardua ventis:
 
Ga naar margenoot+Haec aliquid vento saevius arcet; aquas.

Palpebrae.

 
CUm tenui Natura oculos munivit amictu,
 
Hoc homini voluit dicere, Fide Deo.

Cilia.

 
QVot rigidae stamus lachrymarum in littore setae,
 
Tot sumus in muscas hostica pila, pili.

Nasus.

 
PIctori noceo: neque enim, sine naribus, esset
 
Cur pictura Rosae cederet aut violae.

Gena.

 
INgenium, genus & genium quae prodere possum,
 
Et soleo, merito sum Gena dicta meo.
[pagina 261]
[p. 261]

Eadem.

 
CUr bona mala vocor sedes formosa pudoris?
 
Nempe quod instar habent non mala mala mei.

Labra.

 
LAbra virûm verbosa sient; facundiùs uno
 
Alloquitur mea me Julia basiolo.

Eadem.

 
IMprime suaviolum tepidis facunda corallIs,
 
Caetera per me sis, Julia, muta licet.

Lingua.

 
NIl opus est montes dirimant aut flumina fines:
 
Optima Terrarum lingua Geographica est.Ga naar margenoot+

Eadem.

 
QVaeritur unde siem carnis versatile frustum?
 
Quot cerebrum format somnia formo plicas.

Eadem.

 
FIde cui quicunque voles: mihi caussa timendi est,
 
Quà sapiunt homines, fallere, verba dare.

Dentes.

 
DIsce gula; attentè, lentè, prudenter, acutè
 
Uti denticulo, parcere ventriculo est.

Os.

 
Hàc cibus it, hàc verba volant, quò nempe triumphet
 
Mutua de nimia garrulitate fames.

Mentum è more Gallico imberbe.

 
DIsce quid immineat raso tibi..... Mento;
 
Si, quâ parte sumus, nos pudet esse viros.
[pagina 262]
[p. 262]

Barba.

 
HIrce, pater barbate, tua est haec gloria, menti
 
Excrementa gravem reddere longa virum.

Collum.

 
QVi dubitat Collum vitae cur copula dicar,
 
Permittat nodum solvere carnifici.

Humeri.

 
COrporis efficiunt humeri tabulata supremi:
 
Quid caput? impositae nil nisi turris apex.

Vbera.

 
MOntibus his pasci cupidos miramur amantes,
 
Queis ipsos aluit Fontibus ipsa parens?

Papillae viriles.

 
QVae Natura nihil frustra fecisse refertur,
 
Cur negat hàc etiam matribus esse viris?

Ala foetida.

 
VErtice cornuto est Aulus. dat adultera causam
 
Uxor, & esse virum praedicat id quod olet.

Brachia.

 
HAsce viden' chelas, mea lux? non extat amati
 
Corporis, aut flammae certior ulna meae.

Eadem.

 
BRachia tensa crucem faciunt cum corpore tenso:
 
Discite nata cruces corpora nata Cruci.

Cubitus.

 
NI lectum benè pransus amas, dormire sedendo est:
 
Qui cubitum non vult ire, eat in cubitum.
[pagina 263]
[p. 263]

Palma & Pugnus.

 
MOllia sunt palmae, prae pugno, verbera: refert
 
Rhetoricè num quis vapulet, an Logicè.

Carpus.

 
UT collo caruisse caput, vel poplite crura,
 
Sic poterat carpum non habuisse manus.

Manus.

 
Si capere ingenii est; quid ni super omnia membra es
 
Omnia cum capias, ingeniosa manus?

Digiti.

 
ANnulus includit digitum: qui grandior omnem
 
Includat dextram circulus, Annus erit.

Iidem.

 
NIl opus est famulis; servos natura cuique
 
Nascenti totidem contulit ac digitos.

Vngues.

 
PRuritum si debellas, impunè recides
 
Quae Deus extremis artubus arma dedit.

Vola.

 
OMnis homo est mendax. ego me reperîsse putabo
 
Veracem, si cui fortè pilosa vola est.

Lineae Chiromanticae.

 
ILle tibi fidat, palmaris linea, qui se
 
Fortunam pugno claudere posse putet.
[pagina 264]
[p. 264]

Dorsum.

 
QVid? plagas & onus? saltem Natura dedisses,
 
Cum me ferre dares omnia, pauca pati.

Pectus.

 
FOrtius obtusum est, si vera Mathesis, acuto.
 
Obtusum Batavi pectus habete mei.

Os sternum.

 
NIl opus impacti est homicidae cuspide teli:
 
Si sternum possis sternere, stratus homo est.

Venter.

 
VIvitur ingenio? facilis jactura cerebri est:
 
Per largitorem vivitur ingenii.

Vmbilicus.

 
SI polus humani quisquam sit corporis, hic est:
 
Arcticus an sit, an Antarcticus, ambigitur.

Ilia.

 
ILia tractanti subeant incendia Trojae:
 
Proxima sunt flammis Ilia, Thaï, tuis.
 
PEr me sunt homines: quâ me ratione pudendum
 
Appellas? pudeat, quem pudet esse, mei.

Vterus.

 
ME vide, & amentes animos natalibus infla:
 
Nascitur obscuro Rex, ut agyrta, loco.
[pagina 265]
[p. 265]

Nates.

 
UT quid iniqua τρυϕὴ cycnaeae prodiga plumae est,
 
Pulvinar natas quae sciat esse nates.

Eaedem.

 
NOlle manum Nautae piceos maculare rudentes,
 
Hoc est, quando nates, nolle madere nates.

Femur.

 
CAEsarei partus uteri sint gloria secti:
 
Incisi femoris partus origo Deûm est.

Genua.

 
SCirpus homo ex imo, sine nobis, ventre fuisset:
 
In scirpo nodum fecit utrumque genu.

Idem.

 
EVclides capere hoc possit, vel credere? flexo,
 
Quò pedibus nequeas, itur ad Astra genu.

Tibia.

 
COrporis harmonicè concordent artubus artus:
 
Esto; sed harmonicum tibia nomen habet.

Sura.

 
UT paria aequali superis sint ima quiete,
 
Credo datas etiam cruribus esse nates.

Calx.

 
IN stimulos calcem temerè qui nolit adactum,
 
In calcem stimulos cautior aptat eques.
[pagina 266]
[p. 266]

Idem.

 
Ga naar margenoot+SI callus videas quam sit res proxima calci,
 
De callo calcem nomen habere putes.

Pes.

 
QVinque pedis digiti: non indignabere, Lector,
 
Pentametris aptè versibus addo Pedem.

Planta pedis.

 
NOn cedo capiti: Cynico si credere fas est
 
Plantanti, quod sum nomine, totus homo est.

Pes opusculi.

 
CVm Bove lasso sigo pedem: jam vade, Tabella;
 
Quando pedem potui ponere, tollo manum.

margenoot+
Matt. 7.3.

margenoot*
Nos Tempora.

margenoot+
Sudorem.

margenoot+
Sermo.

margenoot+
Calck.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken