Men sal den tijt wel in waer nemen.
SEer beminde discipulen H.G. Soo ick anders niet en soecke dan v salicheydt ende vvelvarentheydt, Soo is mijn begeeren op v dat ghy u costelijcke tijdt vvel in vvaer neemt, Want vvy hebben niet costelycker dan den tijdt, die vvelcke alsse eens voorby is, soo en machmen die nimmermeer vvederom cryghen al mocht men oock hondert duysent guldens geven voor een ooghenblick tijts: Men siet dat die stomme beesten als den Oyevaer ende meer ander beesten haer tijt vvel connen in vvaer nemen, oock neerstighe Landt lieden, nemen haer saey-tijt en maey-tijt in vvaer: oock Schippers nemen haer ghetyde, oock vvint en vveer in vvaer. Soo mede behooren jonghe luyden den tijdt haers bloeyende juecht in vvaer te nemen ende neerstich leeren lesen, schrijven, ende al 'tgeen dat zy behooren te vveten. Die dit niet en doen, die sullent hun beclaghen, moghelijck alst te laet wesen sal, Daerom soo neemt dit voor een aduijs.
Die tijt is cort, die doot is snel,
Wacht u van sonden, so doet ghy wel.
Auteursrechtvrij