Ghemeene seyndtbrieven

Een soone toont een goet herte tot zijne ouders.

EErweerdighe Ouders, Ick ontbiede v l. al t'samen hondert duysent goede nachten, En laet v l. vveten dat ick noch in ghoeden doene ben, Godt heb lof, verhoopende soo mede van v l.

[fol. B1v]

te verhooren. Ende ick mach al hier seer vvel woonen, en leer oock redelijcke vvel nae die tijdt dat ick vvy ghewoont heb: Maer ick ben altijdt bevreest voor u ende mijn lieve Moeder, dat ick sorghe dat ghy sieck of cranck moecht vvorden oft eenich ongheluck in u Comenschap moecht cryghen, vvaerom ick den Heere altijdt hertelijck voor u bidde dat hy u bewaren ende beschermen vvil. ende u zijn Godlijcke gratie verleenen vvil. Ende ick doe ooc groote neersticheydt om vvel te leeren, op dat ick u met den eersten inde handt mocht comen om v l. in als bystant te doen, daer ick groote begeerte toe hebbe om dat ick eenichsins vvat vergelden soude van al het goet dat ghy my soo vriendelijck tot noch toe ghedaen hebt, van vvelcke ick het hondertste deel niet en vveet te verdienen al leefde ick hondert Iaren. Maer een dinck isser dat ick my mede vertrooste, dat ick vveet dat Godt rechtveerdicj is, en dat hy u vergelden sal tijtlijck ende eeuwelijck al 'tgoet dat ghy my ghedaen hebt, ende ick al soo veel doen als ick mach. Beminde Vader zijt hier mede den Vader der lichten bevolen. Gheschreven in Haerlem desen xvj. Mey.

Al uwe onderdanighe soon H.I. vvat ick vermach.