Vele verscheyden goede puncten.
EErsame seer beminde vrient A. Soo ghy op my begheert, hebt dat ick u sommighe ghoede puncten soude ouer schryven waer nae ghy u leven sout reguleeren. Ende vvant vvy ghoede vrienden zyn, soo heb ick het selfde v niet cunnen vveygeren: daerom soo vvilt dit nae volgende in danck ontfanghen. Hebt vrede met alle menschen. En doet gheen dinck onbedacht. Bemindt die vvaerheyt. Zijt goedertieren en barmhertich. Volcht goeden raet. Sijt den Ouersten ghehoorsaem. Prijst eerbaerheydt. Vergelt weldaet, schout twist. Let op 't gheen dat u aengaet. Hout eendrachticheyt. Hoort veel, maer spreeckt vveynich. Versint eer ghy begint. En kijft niet teghen u Ouders, al hadt ghy ghelijck. Houdt mate. Zijt lang in raet, maer cort in daet. Schout luycheyt. Vreest Godt ende onderhout zijn ghebot. Beminde vrient, vvilt dese voorsz puncten onderhouden en u leven daer nae reguleeren. En blijft den Heere beuolen.
Auteursrechtvrij