Vermaninghe tot een school-kindt om niet te verflauwen in zijn leeren.
ZEer beminde discipel. D. naedemael ghy vvel begonnen hebt in v studeren ende leeringhe. Soo vermaen ick v, soo voort te gaen ende volstandich te blyven. Want die gestadiche Iager die vangt het Wilt ende die ghestadighe neersticheydt doet int leeren, sal vvel een gheschickt ende gheleert man vvorden: die leeringhen schrynen int beginsel vvat moeyelijck ende lastich te vvesen, Maer alle die bitterheydt verandert naederhandt in groote vreuchden en soeticheyt. Cleederen eerst aengedaen zijn onghemackelijck. Den kinderen gheeftmen eerst rugge broot, maer nae vvitte broot. Ende eerst moetmen die neut kraecken, eermen die pitte can eten. Men pluckt gheen roosen dan van doornen. Men vergadert die honich vande stekende honich beyen. Soo mede moet eerst vvat moeyelijckheydt voorgaen, eermen tot die soeticheyt der leeringhe can comen. Ende nae die arbeyt sal rust comen. Zijt hier mede den Heer bevolen.
Auteursrechtvrij