Verweckinghe tot neersticheyt.
LIeve seer beminde discipel B. Soo ick gheern soude sien v vveluarentheydt, soo dunckt my dat ick niet beter mach doen dan dickwils aen te porren ende te vermanen tot neersticheydt. Soo sult ghy vveten, dat ghelyckerwijs gheen boomen vruchten voort en brenghen ten zy saeck dat zy eerst ghebloeyt hebben, ende ghelijck die roock gaet voort bernen, het bidden voort vercryghen, den arbeyt voort den rust, het saeyen voor het maeyen. So mede moet neersticheyt, arbeyt, studeren gaen voor die const ende wetenschap. Tis schande datmen siet dat een Mierken met neersticheydt zijn Coren vergadert inde Somer tegen die Winter. En dat een Ionchelinck geen goede leeringen vergadert teghen zijn mannelycke Jaren, vvaer deur hy wetenschap heeft om vvel te leven, om met Godt en met eeren deur die Werelt te comen. Daerom vermaen ick v tot neerstich leeren, lesen, schrijven, Rekenen, cyferen. En zijt den Heer bevolen.
Auteursrechtvrij