Aen de maechden.
ALle de Maeghden in Christo Isu, Saluyt N.N.
Beminde vriendinnen, nademael ghy met Maria Magdalena het beste deel uytvercooren hebt, soo sal u believen volstandich te blijven tot den vvt-eynde uwes levens toe, soo sult ghy van u vvel beminde Bruydegom Christo Iesu tuyghen die excelent en blinckende croon der Maechden, ende ghecleet zijnde met witte suyvere blinckende cleederen, sult het Lammeken volghen inde vrucht des Hemels, en sult een liedeken singhen, dat niemant anders dan die Maechdekens connen singhen, en sult draghen Palm tacxkens in u suyvere handen, tot een eeuwighe victorie, daer ghy 'tvleys, die vveerelt en den duyvel mede verwonnen hebt, blijft dan v eeuwighe Coninck ende Bruydegom getrou, verlaet hem niet, hy sal v niet verlaten, noch in leven, noch in sterven, noch in tijdt noch in eeuwicheyt. In hem sult ghy vinden al dat ghy moecht bedencken, vrientschap, vrede, vreuchde, vertroostinghe. Dese gratie sult ghy van hem verwerven met bidden, smeecken, lesen, contempleren. Hier mede blijft uwen onsterflijcken Bruydegom bevolen, met den vvelcken u conversatie moet vvesen inden Hemel.
Auteursrechtvrij