Den schat der armen oft een medecijn-boecxken

Plaesters voor de peste.

NEemt dry oft vier vijgen, ende deesem twee drachma, mostaert-saet ende netelsaet een drachma, duyven-mest een half once met honigh vermenght: Leghter dit op, het sal stercker trecken, doet ghy daer by acht oft neghen Cantharides met sout.

Een plaester om 'tfenijn uyt te trecken. Boonen-meel met een goet deel souts, drooghe noten gestooten, getempert met wit van een eye, met het sap van vlierbladeren met stercken azijn, doeter termentijn by, leghter dit op, ende legt daer een heete tichel op, het sal de buyle doen deur trecken.

[p. 121]

Oft neemt een boon groot driakel leghtet daer op, het gheneest.

Oft sout ghepulveriseert, ende ghemenght met een doyr van een eye, leghtet op die koole, het rijpt ende gheneest.