Het II. Deel vanden speel-hof der liefde Godts
(1666)–Zuster vanden Kerchove–
Auteursrechtvrij
[pagina 92]
| |
Op een heel nieuwe stemme: La que, la que aporte la zandelle.
O Ioseph reyn, men vant niet uws ghelijcke,
In s'werelts pleyn, om in't publijcke
Te trauwen met dees Maghet schoon.
Maria vol van alderhande deuchden,
Ghemeen aenschaude haer met vreuchden;
't Cieraet des Hemels throon,
Vader naem, verdient van haeren Soon.
By Son, Maen, sagh m'u als een sterr' blincken,
Met hun gaen, staen, eten, en drincken,
O wat bijsonder graci' soet!
Dat u Maria, en Iesus Godt Heere,
V eerden, beminden soo seere:
Ghemeen met 't hooghste Goet
't Kindt Iesus dat ghy hebt opghevoet.
O Heer, en Knecht, van Godt Coningh gheboren,
Eenvaudigh recht, sagh m'u naer sporen
De stappen van u weerde Bruyt:
Deelachtigh waert van haer, en haers Kints zeghen,
Die ghy gheleyde t'allen weghen.
Deelt ons u schatten uyt,
Lof Ioseph singhen wy overluyt.
|
|