20. Dramátika
Bon mirá drama ta e fórma mas elevá di arte literario. Den dje nos ta haña elemento líriko i épiko huntu. E akontesimentunan konsekutivo ta forma huntu e elementonan épiko, mientras ku e kontemplashon di e personahenan (loke ta buta nan hasi siertu akshon), ta forma e elementonan líriko. E owtor mes tin ku keda kompletamente tras di kortina. Ta e aktornan mester haña atenshon kompletu.
Dramátika ta eksigi masha dje owtor, pasobra e mester por kompronde e estruktura espiritwal infinitamente variá di su figuranan, i hasi tur akshon di e figuranan aseptabel, komo konsekwensha dje estruktura espiritwal tantu variá.
Tin masha poko bon dramaturgo den literatura mundial. Algun ta Shakespeare, Lope de Vega i Goethe.
E medionan ku un dramaturgo tin na su disposishon pa logra su obra ta: dialogo, mímika i idioma di gesto.
Nos por yama un drama un serie di akshon konsekutivo, presenta pa medio di monólogo, dialogo, gesto i mímika.
Auteursrechtelijk beschermd