38. Apelativo
Tin be un nomber propio ta bira un nomber genériko, di manera ku nifikashon dje nomber ta span un poko mas. Un nomber genériko ku originalmente tabata un nomber propio, nos ta yama apelativo. Di esaki tin diferente kaso:
| a. | un fabrikante o un inventor ta duna su produkto su mes nomber: Ford, Kodak. Un estranhero ta pidi trankil: One Curaçao: e ke men nos bibida tipiko trahá ku káska di laraha. |
| b. | piská ta haña nomber di hende: yakupeper = Jacob Evertsz. |
| c. | tin be tin un tiki relashon entre e obheto i un persona: sandwich = di conde Sandwich di lnglatera. |
| d. | kwalidad di un persona ta bin forma un nomber propio pa hende: Un Wan Saya (un tipo ferfelu), Nachi ku Bwena (dos hende ku semper ta kamna huntu), Zjil (un persona ku a bai largu). |
Auteursrechtelijk beschermd