Arte di palabra

42. Diferenshashon, doblete, homónimo

Unikamente den un konteksto un palabra ta haña su nifikashon eksakto. Si nos uza e mesun palabra den algun relashon diferente, nos lo ripara ku den un konsepto di palabra tin basta variashon.

Tuma, por ehempel, e palabra ‘mara’:

a.	Feli ta mara hende. (fukia)
b.	Un homber ta mara su dashi. (konopá)
c.	Porfin nan dos a mara kurpa. (kasa)
d.	Mara Toni por yega awor aki. (interhekshon)

Ora e forma dje palabra kambia, e relashon entre e mesun palabranan original ta bira hopi separá. Den tal kaso nos ta papia di diferenshashon. Punta, punto i pui a diferensha den nan nifikashon.

Doblete

Si e diferenshashon okashona basta diferensha di forma, ta bin resulta ku kasi nos no ta sinti relashon den e dos palabranan mas. Algun ehempel: tumba i tambu, shuri i showru, seña i siñal.

Homónimo

Dos palabra ku mesun zonidu pero ku nifikashon diferente ta homónimo:

Tow (grupo) i tow (verbo = lastra, hala)

Koprá (militar) i koprá (bleki di kakushi)

Rèndu (di porta) i rèndu (kore paranda)

Origen di dos homónimo no ta igwal.