Arte di palabra

41. Etimologia popular

E palabra etimologia ta nifika siensia di loke ta berdad den derivashon i nifikashon. Den lingwístika e ta siensia di derivashon, buskando

[p. 43]

origen i nifikashon original di palabra. Nos etimólogo konosi ta Antoine Maduro.

Mirando e deskripshon aki riba menshona nos ta kompronde mesora ku, bon bisá, ta imposibel pa papia di etimologia popular. Pweblo en general no ta preokupa ku origen di palabra.

Sinembargo nos ta uza e palabra ‘etimologia popular’ pa un fenómeno straño di asosiashon ku sa tuma luga den pweblo. I nos ta mira ku un palabra straño ta haña zonidu di nos idioma.

Mas o menos trinta aña pasá un muhe biew tabata skuchando na radio kon nan ta yama number di briyechi di Caracas. I e ripitishon di ‘.... bolivares’ a but'e bisa ku tin algu ‘riba Rif’. Djamars tin drel.... pa ‘Je maintiendrai’ ta konosi kaba.

Pió e kaso ta bira ora un persona simpel ke hasi formalidad ku palabra straño. E ora ei bo ta tende ‘ursulutamente’ pa ‘absolutamente’, ‘fasio’ pa ‘fasil’, ‘edifisio’ pa difisil.

‘Kolosenshi’ pa ‘com licença’ ya ta semi-arkaiko.