45. Ritmo i korida
Nos lo por yama ritmo: koriente, moveshon. E ta un kambio agradabel entre haltu i abow, fwerte i debil, pisá i lihé. Ke men anto e moveshon regular ku ta nase pa medio di kontraste konsekutivo.
Henter bida i naturalesa ta yen di ritmo.
Den idioma ritmo ta un koriente musikal. No ta solamente den poesia tin ritmo. Sin ritmo idioma ta kasi imposibel. Si un hende papia sin ritmo, sin variashon, lo e ta papia sin grasia. Algu paresido ta bukinan di lei, kaminda inteligensia ta dominá, sin laga luga pa sintimentu.
Tempu i melodia ta hasi ritmo di un poema mas riku. Tempu ta e moveshon rápido o pokopoko ku tin tantu relashon ku nos emoshon. Alegria ta duna un ritmo purá; tristesa tin moveshon mengwá.
Melodia ta e altura na kwa nos ta pronunsia un zonidu o un palabra. Den esaki e zonidu natural di vokal i konsonante ta hunga un papel grandi.
Auteursrechtelijk beschermd