Mi lenga. Deel 2

(1971)–Pierre Lauffer– rechtenstatus

Tin kwater sorto di adhetivo: Deskriptivo demonstrativo, posesivo i numeral.

Un adhetivo deskriptivo ta deskribí un sustantivo.

P.e. Un flus pretu. Un kaya ketu. Un dams djingeli.

Un adhetivo deskriptivo ta duna nos un idea mas eksakto di e sustantivo ku e ta modifiká.

Esaki ta e adhetivo ku ta demonstrá i fiha un sustantivo.

P.e. E flus aki. Otro luna. Ningun hende.

Kwalke sigaria.

Atenshon!

No brua den adhetivo demonstrativo i pronòmber demonstrativo.

Mira, por ehèmpel, e frase ku ta sigi:

‘Mi a gosa e buki ei’

‘Esei ta sigur’

‘E ..... ei’ ta un adhetivo. Esei ta un pronòmber.

Un adhetivo posesivo ta indiká poseshon.

P.e.: Esaki ta mi kas. Esei ta bo garashi, E bachi ta di dje.

E adhetivo posesivo ta ekivalente na e pronòmbernan: di mi, di bo, di dje, di nan, di nos.

Si nos ke uza e pronòmber posesivo, anto nos por bisa: E kas ta di mi. E garashi ta di bo.

Un adhetivo numeral ta indiká e kantidat o sekwensha di un sustantivo.

E ta ordinal den: Di promé kas, di seys mucha.

Den kaso di un adhetivo materyal nos ta buta e palabra ‘di’ aseka.

P.e.: E kashi di glas. E oloshi di oro. E flur di tabla.

Menshoná den e frasenan ku ta sigi, kwa ta e adhetivonan, i ki sorto di adhetivo nan ta.

1.	Pa di binti be m'a bisabo ku bo no mester kwe mi kamisa i pretende ku e ta di bo.
2.	E rey di Sahonia a abdiká, ora el a ripará ku su interesnan personal ta kontra interes di e pweblo ku e tabata goberná.

3.	No tabata nan asuntu di puntra e pakiko; pasobra nan deber tabata di bringa i muri.
4.	Ta pesei mi ta gosa e komedya aki.
5.	Ta mi desishon di kumpra e kabay mas grandi, pasobra su patanan ta mas fwerte.
6.	Riba e mesa di mahòk tabatin un pòpchi di glas.