Bati huda
Un rekwèrdo di 35 anja pasá
Ku un boroto di otro mundu, un trupa di mucha pia abòw i lomba sunu a pasa den hanchi, lastrando un húda bistí na un flus shinishi bjew tur manchá i jen di buraku. Un di e muchanan tabata blo bati e wantomba den su lomba korkobá ku un pal'i basora, mjentras un otro tabata lemb'e ku moketa den su stoma sjawáwa. E húda su kabes ku man i pia a sigui kaj di un banda na otro, sigun e tabata kome sla di su wesnan.
‘Porko’, un di nan, kabèj kòrá, a grit'e.
‘Burdugu desgrasjadu’, unu flakitu ku djente putrí a zundr'e. I bòw di gritu di harimentu, den lokura di furja, nan a sigui molostjá e húda, kende a plama su shirishiri di sas den hanchi.
Den tur port'i kas hendenan, ku a tende e behéjt di batiment'i húda, a sali lur i ku nan komentarjo i ekspreshon di despresjo pa e traidor malvado nan a entusjasmá e muchanan pa sigui jòrkja e pòpchi di mal fason.
‘Karga e alimá ku skòp’, un bjehita ku kara lapi-lapi, pará kant'i kurá a konsehá nan.
‘Plama su kara p'e’, tabata deseo di e snèjru delegá haltu, pará den bentana ku un karson tur na rèj den su man. I ku bochincha i dezòrdu otro mucha mas a kore sali for di nan kas, ku pida tabla, garoti o kabuja i hinka tras di e proseshon di hustisja kontra e húda, ku ja a kuminsá bira delegá, di tantu tripa ku nan a fòrsa for di su kurpa wajabá.
Na skina di hanchi e trupa a bira baj pariba den kaja
Auteursrechtelijk beschermd