Raspá

[p. 58]

Kometa

El a pasa
Riba ola di perfume,
Ku dos strea den su kara,
Ku karisja di su kurpa,
Ku promesa di felisidat.
I Awasa a tolondrá
Di su kantika di karkas.

Manera un invitashon
Pa subi riba alanan di amor
I mèrma den delirjo na su boka
El a pasa,
Un kometa riba Awasa,
Ku suspiro di mil alma riba dje.
I wowonan por a kom'e un ratu,
Djis un ratu so,
Komo su tras
Un otro prenda mas a pasa.