Abo ta kere ku ta destinu?
Pabòw di plasa e tabata splika su sitwashon na un otro muhe, kende tabata blo limpja djente ku pida stòki: ‘Ai, ju, mi mes no ta komprondé ta di kon kos ta bati asina ku mi. M'a kumpra tur sorto di brijèchi, sin saka ni dies plaka nunka di mi bida. Figurabo ku mi tin diesdos anja ta kumpra brijèchi di Kòrsòw, di Karakas i San Dumingu. Ta den tur wega mi ta, ku tres brijèchi hinté i balor di un binti repi. Pero ju, bo sa, ta manera fuku a kwe mi. Bo n' sa nada? Nada, ni pa grasja. Ata numbr ku bolita no sa herami. Ta tur mi sa hunga. Si mi kontabo kwantu plaka m'a gasta na numbr ku bolita, bo n' ta kere. Anto prome m'a kere, ku ta kos nan a hasi pa mi. Ta pesej bo n' mirami luna pasá. M'a baj te Haiti pa mi fura. E kos ej a kostami balente plaka. Pero ju, no laga nan ganjabo nada. Tur e furamentu ta gran soketada. Pasobra ni numbr ni brijèchi no kjèr a sali, despwes ku m'a bolbe Kòrsòw. Ami di e ora ej, ku kisas mi sintí ta poko pisá. I pa mi lanta mi kurason, m'a kumpra un televishon di sinku shent'i piku florin, pa mi sinta dibèrtí mi mes anochi. Pero bo sa, ta manera un pisá a drenta mi alma. Stret baj m'a keda sintimi un manera tristu, fadá. Anto ora bo mira kon plaka ta baj fo'i bo man, bo n' ta komprondé, bo sa. Pa kolmo di mal swèltu e sla, ku m'a hanja na mi pia, a habri na un herida asina grandi. Nunka mi n' maha ku ne, pasobra m'a huntele ku poko salfe di zet'i bakijòw. Pero ora el a kuminsá plama na mi pia, m'a laga e kurjoso di den Zjaro mirele pa mi. El a kobrami dos shen florin. Pero e kos no kjer a kura. Bo n' ta mira mi pal'i pia mará aki? Ta serka doktr mi tin idea di baj. Pesej mi ta pasa serka mi kompadr Alex, pa mi weta ku e por fiami sinkwenta
Auteursrechtelijk beschermd