Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Middelnederlandsche dramatische poëzie (1907)

Informatie terzijde

Titelpagina van Middelnederlandsche dramatische poëzie
Afbeelding van Middelnederlandsche dramatische poëzieToon afbeelding van titelpagina van Middelnederlandsche dramatische poëzie

  • Verantwoording
  • Inhoudsopgave

Downloads

PDF van tekst (4.06 MB)

Scans (38.55 MB)

XML (2.30 MB)

tekstbestand






Genre

poëzie
drama

Subgenre

bloemlezing


© zie Auteursrecht en gebruiksvoorwaarden.

Middelnederlandsche dramatische poëzie

(1907)–P. Leendertz (jr.)–rechtenstatus Auteursrecht onbekend

Vorige Volgende
[pagina 31]
[p. 31]

Hier beghint die sotternie.

Hier beghint dwijf.

 
Hem! segt, hem! god hebs al deel!aant.
 
Ic wil gaen driven mijn riveel
 
Met minen suete lieve int gras.
 
Hets lanc leden dat ic met hem niet en was.
5[regelnummer]
Hem! segt, hem! waer sidi, Lippijn?
 
Lippijn.
 
Ic ben hier, wat saelt sijn?
 
Sijn wijf.
 
Lippijn, ghi moet gaen halen borre ende vier,
 
Ende ic sal wedercomen scier
 
Ende bringhen ons iet, dat wi selen eten.
 
Lippijn.
10[regelnummer]
Bi der doot ons heren, ghi selet vergeten,
 
Ghi pleeght soe dicwile lange te merren.
 
Sijn wijf.
 
Wat, Lippijn, ghi en moghet u niet erren,
 
Want ic hebbe dicwile vele te doene:
 
Eer ic ghehoere mine sermoene,
15[regelnummer]
Soe vallet hoghe op den dach,
 
Ende eer ic ten vleeschuus comen mach,
 
(Soe copic oec gherne goeden coep)
 
Dan so moetic beiden tot den loep
 
Ga naar margenoot+Es ghedaen vanden bedranghe;
20[regelnummer]
Alsoe comet toe, dat ic merre soe lange,
 
Goede Lippijn, ghi moetet al weten.
 
Lippijn.
 
Awarijt, ghi souwes mi vele ontmeten,
 
Ende ic en weter wat toe segghen.
 
Gaet henen, ic sal ons vier anleggen
25[regelnummer]
Ende halen borre ende scueren den pot,
 
Want alsoe moet mi hulpen god,
 
Ic hebbe mi oeit te slaverniën geset.
[pagina 32]
[p. 32]
 
Sijn wijf.
 
Goede Lippijn, wast die scotelen met
 
Ende kerijt ons den vloer scoene.
 
Lippijn.
30[regelnummer]
Goeder, nu hoert, dat u god loene!
 
Ende mer daer bi niet. Al hebbic al mijn dage
 
Gheweest uwe aerme slave,
 
Mi dunct ic moetse noch sijn al mijn leven.aant.
 
Sijn wijf.
 
Swijt, god moet u lachter geven;
35[regelnummer]
Dat ghi soe langhe leeft, dats mi leet.
 
 
 
En es dit niet een scoen besceet?
 
Waer mach hi merren, mijns herten druut?
 
Het geet hem al te galgen uut,
 
Dat hi mi al dus te vondelinge set.aant.
 
Haer lief.
40[regelnummer]
Minnekijn, hets messelijc wat mi let.
 
Hebdi hier gheweest herde lange?
 
Lippijns wijf.
 
Jaic, mijn herte es soe wranghe,
 
Dat ic u soe langen niet en sach.
 
Haer lief.
 
Ga naar margenoot+Laet ons gaen drinken een goet gelach,
45[regelnummer]
Mijn uutvercoren minnekijn,
 
Wi selen noch tavont met vrouden sijn
 
Lichteleec. Nu comt hier naer!
 
Lippijn.
 
O wi, here, es dat waer?
 
Bi gode, ic hebs genoech gesien,
50[regelnummer]
Want si leet metten bloeten knien
 
Ende hi esser tusschen gecropen;
 
Bider doot ons heren, hi esser in geslopen.
 
Siet met deser hoeren, ende geeft mi te verstane,
 
Dat si te messen pleght te gane,
[pagina 33]
[p. 33]
55[regelnummer]
Ende leet ende droeylt met enen anderen man
 
Ende maect van mi enen pol, her Jan.aant.
 
Si seet, si gheet in tvleeschuus;
 
Bi sente Jan, ic sal haer dit abuus
 
Noch tavont tongoede maken.
60[regelnummer]
Canic an enen stoc gheraken,
 
Ic sal haer touwen soe haer vel,
 
Dat haer rouwen sal dit spel,
 
Dat si met hem heeft bedreven.
 
De comere.
 
Wat, Lippijn! god moet u goeden dach geven.
65[regelnummer]
Hoe steet met u? hoe sidi te gemake?
 
Lippijn.
 
Ey, Trise! ic woude mi therte brakeaant.
 
Van groten rouwe die ic drive.
 
Ic en hadt nemmermeer minen wive
 
Betrout, dat si mi heeft gedaen.
 
De comere.
70[regelnummer]
Lippijn, nu doet mi verstaen,
 
Hoe ende oec in wat manieren?
 
Lippijn.
 
Dies ic mi eweleec moet scofieren:
 
Si leget ende droeylt met enen anderen man.
 
Ga naar margenoot+De comere.
 
Awarijt, dats een dinc dat ic niet en can
75[regelnummer]
Gheloeven van uwen wive;
 
Ic kinse alsoe reine van live,
 
Si en daets om al die werelt niet.
 
Lippijn.
 
Dat een man met sinen ogen siet,
 
Dats hem nochtan quaet tongheven.
 
De comere.
80[regelnummer]
Lippijn, alsoe moetic met eren leven,
 
Bi sien es die meneghe bedroghen.
 
Lippijn.
 
Wat? neen, dit en es niet gheloghen,
 
Want ic hebse selve ghesien
[pagina 34]
[p. 34]
 
Ligghen metten bloeten knien,
85[regelnummer]
Ende gingen hem beide te werke stellen.
 
De comere.
 
Wat, Lippijn, dat en soudi niet vertellen;
 
U wijf waer daer bi gheonneert.
 
U ogen sijn al verkeert
 
Van drincken ende van ouden dagen.
90[regelnummer]
Goede Lippijn, en wilt des niet gewagen;
 
U wijf waer daer bi ghescent.
 
Lippijn.
 
Wat duvel, seldi mi maken blent
 
Van dingen, die ic selve sach?
 
Ic sach dat si averecht lach,
95[regelnummer]
Ende hi raepter op haer slippen.
 
De comere.
 
Ey swijt, goede Lippen,
 
En was anders niet dan u dochte.aant.
 
En hoerde ghi noit seggen van alfsgedrochte,
 
Ga naar margenoot+Dat die liede pleghet te bedrieghen?
100[regelnummer]
De viant geeft luttel om een liegen
 
Om toren te maken tusschen man ende wijf.
 
Ic wilder over setten mijn lijf,
 
En waest niet een elvinne dat ghi saecht.
 
Lippijn.
 
Wat duvel, heeft god die werelt geplaecht
105[regelnummer]
Met alven ende met elvinnen?
 
En soudic dan mijn wijf niet kinnen?
 
Dat ware emmer een messeleec dinc.
 
Ic sach dat si met hem ginc,
 
Hi namse in sinen aerm ende tracse naer.
 
De comere.
110[regelnummer]
Lippijn, loghen en was noit waer;
 
Daer toe kinnic te wel u wijf,
 
Want si heeft alsoe reine lijf,
 
Si en daets om al de werelt niet van goude roet.aant.
 
Maer dalfsghedrochte es alsoe groet,
115[regelnummer]
Dat den menegen maect soe blint,
 
Dat hi hem selven niet en kint;
 
Hoe soude hi dan enen anderen gekinnen?
[pagina 35]
[p. 35]
 
Lippijn.
 
Bider doot ons heren, ghi maect mi al uuten zinnen.
 
Wat duvel, es mi nu ghesciet?aant.
120[regelnummer]
Benic blint ende en sie ic niet?
 
Des wonders ghelijc en sagic nie,
 
Ende ic sie wel alle dese lie,
 
Die hier sitten al omtrent;
 
Entrouwen, soe en benic al niet blint,
125[regelnummer]
Al soudijs mi gherne maken vroet.
 
De comere.
 
Lippijn, wetti wat ghi doet?
 
Ic biddu dat ghijs nemmeer en segt
 
Ende ghi u wijf met eren dect.aant.
 
Het es ene elvinne die u quelt,
130[regelnummer]
Si heeft u ghesichte al onstelt,
 
U ogen staen al ontset.
 
Ga naar margenoot+Lippijn.
 
Ey goede, eest dat, dat mi let?
 
Mi dochte emmer, dat icse sach.
 
De comere.
 
Het was ene elvinne dat daer lach,
135[regelnummer]
Dat willic u sweren op een cruus.
 
U wijf sit noch in haer huus,
 
Dat willic wedden om een bier.
 
Lippijn.
 
Ende si hiet mi gaen halen borre ende vier,
 
Si seide, si soude gaen om eten.
 
De comere.
140[regelnummer]
Wat, Lippijn, wildi die waerheit weten,
 
Soe sidi seker te male verleidt;
 
Ene elvinne heeft haer nette gespreidt,
 
Dat sie ic wel, om u te vaen.
 
Comt met mi, wi selen voer u dore gaen:
145[regelnummer]
U wijf sit noch bi haren viere.
 
Lippijn.
 
Wat! benic dronken vanden biere,
 
Ochte vlieghen dalve achter straten?
[pagina 36]
[p. 36]
 
De comere.
 
Wat, ghevadere! en moghdi ons niet in laten?aant.
 
Lippijns wijf.
 
Wet key, jaic, wie es daer?
 
De comere.
150[regelnummer]
Wat, Lippijn, en seidic u niet waer?
 
Lippijn.
 
Benedijste god van hemelrijc,
 
Ga naar margenoot+Soe en saghic noit des wonders gelijc.
 
Ic sie wel, die scouwen die sijn mijn.
 
De comere.
 
Wat seidic u, lieve Lippijn?
155[regelnummer]
Maer ghi en woudes niet wesen vroet.
 
Mijn gevadere es getrouwe ende goet,
 
Al soudier gerne een hoere af maken.
 
Lippijns wijf.
 
God gheve hem ramp in sine kaken!
 
Heeft hi hem van mi dies beclaecht?
 
De comere.
160[regelnummer]
Jay, ende dat ghi bi enen anderen man laecht,
 
Dies heeft hi mi ghedaen een beclach.
 
Lippijn.
 
Awarijt, mi dochte dat ict sach,
 
Maer ic laets mi nu ghenoeghen;
 
Trise caent wel int beste voegen.
165[regelnummer]
Maer al hadt mi mijn lijf gedaen,aant.
 
Soe waerdi heden morgen opgestaen
 
Ende hiet mi halen vier ende borre.
 
Lippijns wijf.
 
Swijt, wel vule corre,
 
Beghindi mi anderen man ane te tiën?aant.
 
Lippijn.
170[regelnummer]
Seker, woudic die waerheit liën,
 
So saghic, of mijn ogen waren mi verkeert.
 
Maer Trise heeft mi alsoe geleert
 
Ende seet, dat mi een alf heeft bedroghen.
[pagina 37]
[p. 37]
 
Lippijns wijf.
 
Waer omme hebdi mi dan beloghen
175[regelnummer]
Ende doet mi scande over al?
 
Ga naar margenoot+Lippijn.
 
Ey minnekijn, ic ben diet beteren sal,
 
Hebbic iet messeit ofte mesdaen.
 
Lippijns wijf.
 
Ghi selter nochtan smeten omme ontfaen,
 
Vul, out, quaet grijsaert!
 
De comere.
180[regelnummer]
Bi onsen here, hi waers wel waert,
 
Dat wine onder voete gingen leggen.
 
Lippijn.
 
Lieve wijf, ic en saels nemmeer seggen;
 
Ic en wiste niet, dat ic was in dolen.
 
Lippijns wijf.
 
Ey, men sal u leren gaen ter scolen.
Hier vechtensi.
 
Nota .c.lxxxiij. vs.
 
 
185[regelnummer]
Ghi goede liede, dit hebben wiaant.
 
Ghespelt al in een boerdement.
 
Si leven noch wel, si u bekent,
 
Die dese gheliken wel hebben gesien.aant.
 
Wet dat menech boerden gescien,
190[regelnummer]
Daer dusdaneghe mere niet af en gaet.
 
Daer bi biddic u, dat ghi ontfaet
 
In dancke ons fobitasie.
 
Ic bidde den coninc vol van gratie,
 
Die vander maghet was gheboren,
195[regelnummer]
Dat hem niement en wille storen
 
Van dat hi hier heeft gesien ende gehoert.
 
Staet op, ghi moget wel gaen voert,
 
Want wi moeten alle scheiden:
 
Ons here god moet ons allen geleiden.
 
 
 
Amen.
[tekstkritische noot]16. eer was eerst vergeten, en is toen boven den regel bijgeschreven.
margenoot+
178c
margenoot+
178d
margenoot+
179a
[tekstkritische noot]96. Lippijn - 113. werel
margenoot+
179b
margenoot+
179c
[tekstkritische noot]164. in - 170. wodd
margenoot+
179d
margenoot+
180a

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken

Over het gehele werk

titels

  • over Een cluijte van plaijerwater

  • over Lippijn

  • over Gloriant

  • over Buskenblaser

  • over Lanseloet van Denemerken

  • over Die Hexe

  • over Drie daghe here

  • over Truwanten

  • over Vanden winter ende vanden somer

  • over Rubben

  • over Nu noch

  • over Mariken van Nieumeghen

  • over Die sevenste Bliscap van Onser Vrouwen

  • over Het Hulthemse handschrift

  • over Het spel vanden Heilighen sacramente vander Nyeuwervaert

  • over Spel van de V vroede en V dwaeze Maegden

  • over Tafelspeelken van twee personagen om up der drij conijnghen avond te spelen

  • over Tafelspeelken van twee personagien, eenen man ende een wijf, ghecleet up zij boerssche

  • over Een scoon spel van sainct Jooris

  • over Van den Somer en van den Winter


Over dit hoofdstuk/artikel

titels

  • Lippijn