Dialogus Creaturarum dat is Twispraec der creaturen

¶ Van dat vuer ende water ¶ Dat neghende dyalogus |

DAt ⁴² vuer is licht pure. substijl. beroerlic schynende. | ende warm. Ende wanttet so costelic is begant in hem | [10] seluen verheuen te worden ende seyde. Ic ben die | machtichste op aller der arden ende ick mach alle dinghen ver- | teren ende te niet maken. Mer mocht ick oeck macht crighen | inden water soe soude ick die meeste wesen bouen al. ¶ Aldus | riephet dat water tot hem ende seyde Watar ⁴³ o alre liefste | [15] suster du biste oeck een creatuer godes als ick. Mocht ick nv | mitti wonen ende ouercomen soe en soude ick niet alleen groot | wesen. Mer ick soude bouen allen wesen die machtichste ende | alremeeste Daer om bid ick dy henghe my dat ick mitti | mach wonen ende my groot maken ¶ Dat water veijnsde | [20] hem ende seyde mit bedriechliken woorden. Myt ⁴⁴ langher | begheerten heb ick dat begheert: Coemt vrijlic an tot my | Ende ick sal dy na mijnre macht verbeteren. ¶ Ende doe dat | vuer dat hoorde worttet seer verblidet. ende trat vrijlick an |

42 D initiaal, 3 regels hoog, met zichtbare representant.

43 W initiaal, 1 regel hoog, geen zichtbare representant. Watar lees: Water. In Oudnederlands Woordenboek s.v. watar, in de betekenis van water.

44 M initiaal, 1 regel hoog, geen zichtbare representant.

[fol. c2r]

an ⁴⁵ ende ghinc int water Ende doe dat water dat vuer in hem | hadde seyde tot den ghenen die daer bij stonden Dese is mijn | viant ende altoes mijnen gheslachte contrari gheweest ende | heeft my dicwijl verteert ende te niet ghebrocht. Nu mach ic | [5] mijn leet wreken. ende hem alheel te niet maken isset dat ick | wil Mer want die apostel paulus leert. en wilt gheen quaet | gheuen voer quaet. ¶ Ende op dat die werlt nyet berooft en | worde van soe groeten goede. Soe wil ick hem nochtant. | wat veroitmoedighen ¶ Ende doe vergaderde hy hem en- | [10] de began in dat vuer te pissen. Daer om badt doe dat vuer | den water dattet hem doch nyet alheel wt en woude ghieten | ¶ Des ontfermede dat water des vuers ende en dedes alheel | nyet wt Mer brochtet opt tlant ende seyde Gode ⁴⁶ singhen | my soeten sanck. Als wy voer quaet gheuen danck HIer ⁴⁷ | [15] sien wy nv god betert alle contrari. dat veel menschen quaet | voer goet gheuen. In dien dat si hoer leet wreken willen Ende | die misdaet niet vergheuen Hier of seit Iheronimus Geliker- | wijs als god die vader in cristo onse sonden vergheuen heeft | alsoe sellen wy oeck vergheuen die teghen ons misdoen Ende | [20] dat nauolghen godes breket ende weder roept. ende vergheeft | dat onrecht dat ons gheschiet is ¶ Aldus leest men inder his | torien van den groten alexander. . ¶ Doe hem op een tijt een | mensch swaerliken vertoernt hadde. soe en woudes hy hem | niet vergheuen. Ende als dit verhoerde sijn meester arestoti- | [25] les ghinck hy tot hem ende seyde Ic begheer van di o heer co- | ninck dattu huden die meeste victorie wilste vercrighen. | die du op enigher tijt hebste ghehadt Die coninck antwoor- | den hoe soude dat toegaen. Die meester seide. Du hebste heer | conynck alle die werelt verwonnen ende bedwonghen Mer hu- | [30] den bistu verwonnen. ¶ Want als du vanden toorn verwon | nen wordes soe bistu scandelic verwonnen. ¶ Mer ist dat du | dy seluen verwinnes soe selstu een groot verwinre wesen. | Want wie hem seluen verwint die is starck teghen alle din- | ghen als die wise man seyt ¶ Doe hy dyt hoorde. vergaf hy |

45 an|| an lees: an.

46 G initiaal, 1 regel hoog, geen zichtbare representant.

47 H initiaal, 1 regel hoog, met zichtbare representant.

[fol. c2v]

die misdaet ende was te vreden ¶ Salomon seyt ¶ Beter is | een verdraghende man. dan die starck van crachten is En- | de die sinen moet bedwinghen can. is starcker dan die een stat | beuechten can |