Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dialogus Creaturarum dat is Twispraec der creaturen (2015)

Informatie terzijde

Titelpagina van Dialogus Creaturarum dat is Twispraec der creaturen
Afbeelding van Dialogus Creaturarum dat is Twispraec der creaturenToon afbeelding van titelpagina van Dialogus Creaturarum dat is Twispraec der creaturen

  • Verantwoording
  • Inhoudsopgave

Downloads

PDF van tekst (12.88 MB)

ebook (16.85 MB)

XML (0.69 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dialogus Creaturarum dat is Twispraec der creaturen

(2015)–Gheraert Leeu–rechtenstatus Auteursrechtelijk beschermd

Vorige Volgende

Van dat ouer ende die zee ¶ Dat achte dyalogus |



illustratie

DIe Ga naar voetnoot40zee als aristotiles scrijft is een ommerijnck der we | [5] relt een fonteyn des regens: ende herberghe alle der | wateren Ghelijck als in ecclesiastico ghescreuen staet | Alle die vloeden comen in die zee ende si en loopt niet ouer ende | totter steeden daer die vloeden wtghaen comen si weder op dat | si weder wtvloeyen moghen: Dese zee als dauid inden sou- | [10] ter seyt is groot ende wijt Daer om toech si totten oeuer ende | seyde Mi verwondert altezeer van dijnre stoutheyt Dattu mi | altoes wederstaes ende contrari biste: Alsoe dattu mi behin- | ders dat ick die aerde niet verderuen en mach. Ick bidde dy | ghanck van dijnre steede dat ick dat aertrijck verderuen mach. | [15] Of ick en sal niet oflaten di te anuechten ende oeck dy te ver- | deruen. Hier op antwoorde dat oeuer O broeder du sprekes | zeer qualiken. Die schepper alre dinghen heeft mi alsoe ghe- | maeckt ende ghesettet Waer om ick bi ghehoorsaemheyt gro | ten arbeyt lijde in di te bedwinghen. ende dy van die aerde te | [20] keeren Du valles dickwijl seer swaerliken op mi ende belas- | tes my te mael seer. Ende ic verdraghe dy verduldeliken om | godes willen Daer om en moghestu yeghen my nyet claghen | want ick doch mijn steede nyet verwandelen en mach Als dit | die zee hoorden wort si rasende ende seyde Wel dan Ist dattu dan |

[Folio c1r]
[fol. c1r]

dat lijden mogeste so lijdet. want ic en sel di nymmermeer in | vreeden laten. Mer ic sal di nae mijnre macht anuaren. ende | slaen Doe scicten hem dat oeuer tot lijden ende seide Den Ga naar voetnoot41 goe | den hoert den bosen te castien. ende daer teghens te vechten in | [5] allen tijden. Aldus sellen alle prelaten ende ouerste vechten ende | manlike staen teghen die bosen. dat si die ouerhant niet en cri- | ghen ¶ Dair om seit gregorius Gelijc als die zee altois an- | vechtet dat ouer daert of bedwonghen wort. ¶ Alsoe valtet | oic inden gheesteliken staet. dat sommighe bose menschen al- | [10] tois weder staen horen prelaten dat sise oic niet wel bedwinghen | en moghen Mer goede pastoren ende prelaten en sellen niet ont | sien die dreigijnghe der quader menschen Ende als een goet har | der vlitich is sijn beesten te bewaren Also sellen oic goede prelaten | wakende ende sorchuoudich wesen op hoir ondersaten. ysido | [15] rus seit. Quade harders en hebben gheen sorghe van horen sca | pen. ende alsoe als int ewangeli staet vanden huerlinghen die | den wolf sien comen op die scapen soe vlyen si. . Dat vlyen is | dat si swighen. ende en doruen den quaden ende dan machti- | ghen niet weder staen Daer om sterket Iheronimus alle pre- | [20] laten ende seit. Ist dat wi arbeyden gode te behaghen soe en | sellen wij die dreighementen der menschen niet ontsien. Een | leerre ghenoemt petrus die vraet scrijft. Dat doe philippus | die conijnck van macedonien mit groter macht die stat van | athenen beleghen hadde seide hi den ghenen die bynnen wa- | [25] ren ¶ Gheeft mi acht vanden wijsen die ic wt v luden kiesen | sal. ic sal mit vreden van v scheiden Daer op antwoorden de- | mostenes die alre wijste philosooph Die wolf sprak totten | harderen die die scapen bewaerden Alle dat scheel dat tusschen | ons ende v is dat sijn die honden Gheeft ons die honden. ende | [30] wi sellen goede vrienden wesen Ende doe die harders dat ghe | daen hadden quamen die woluen ende leefden mitten scapen | als si seluen wouden ¶ Hier wt machmen merken wat gro- | ter quaet dattet is wanneer die honden dat sijn predikers der | waerheit ende die prelaten hoir ondersaten begheuen ende en |

[Folio c1v]
[fol. c1v]

willen noch en duruen niet blaffen teghen die sonders Want | also als die sachtmoedicheyt inden mensche priselic is ende die | toornicheyt hatelic also ist contrari in den hont. want een stil | goedertieren hont en is niet goet. om dat quaetheyt inden | [5] honde ghepresen wort Ende des ghelijc oec inden prelaet be | scheidene quaetheyt op die sonden te hebben |

voetnoot40
D initiaal, 3 regels hoog, geen zichtbare representant.
voetnoot41
D initiaal, 1 regel hoog, geen zichtbare representant.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken