Dialogus Creaturarum dat is Twispraec der creaturen

Van den carbunkel ende den spieghel Dat seuentiende dyalogus |

CArbunckel ⁷⁸ is een costelike steen die inder nacht licht ende | [20] die nacht en mach sijn licht niet verdonckeren alsoe dat | hi scarpe radien sciet tot dye oghen der gheenre dien ansien | Tot den carbunckel quam een spieghel van glas ghemaect | ende seyde Onder den sconen costeliken ghesteenten bistu seer |

78 C initiaal, 3 regels hoog, met zichtbare representant.

[fol. d2v]

claer ende lichtende ende ic ben oeck seer claer ende lichtende al | soe dat alle dinghen in mi ende doer mi ghesien worden Ende | daer om waren wij te samen gheuoecht soe soude onser beyder | claerheyt meerre esen ende wy souden seuen werf costeliker we | [5] sen dan wy nu sijn Die carbunkel antwoorden Dat gheen dat | tu segghes en wil ick niet consentieren anghemerct dattu ge- | maect biste van een broesse materie dat glas is Ende ick vander edel | re natueren der costeliker steenen Daer om en isset niet behoerlic | bi mi te wesen Ganck daer om van mi Ende die carbunckel sey- | [10] de doe voert NIet ⁷⁹ en sel hem vernedere die edele. noch oec | twisten mit die onedele Aldus sal die kersten mensche die seer e | del is want hi van cristo kersten hiet. dese en sal mitten bosen | viant gheen ghemeenscap hebben noch oeck hem horen want hy | die alre onedelste ende die snooste is Hier om seyt die heylighe | [15] paeus clemens Soe wie hem willichlike onder des bosen vy- | ants wille en macht gheeft die en can gheen vrede an god ende | den menschen hebben Augustinus Die bose viant en mach nie | mant bedrieghen dan dye hem consent gheuen wil sijns qua- | den willes Daer oec of seyt Iheronimus Men en sal des bosen | [20] viants machte niet ontsien. want sijn vreese of sijn macht is | altoes in des menschen wille want dat vleysch en kan niet be | driuen dat dye moet niet en wil: Men leest int vader leuen | dat een heylich vader vanden heylichen enghel gheuoert en- | de ghebrocht wort ter plaetsen daer veel heyligher menschen | [25] vergadert waren. Daer hy sach dat omtrent dier stede veel- | heyt van bose vianden vlieghende waren oft vliegen hadden | gheweest. Daer nae brocht hem dye enghel tot eenre groter | stat daert iaermerct was daermen grote comenscappen han- | tierden. Daer hy alleen enen duuel sach leedich staende opter | [30] poorten Die heylighe vader dit siende vraghede den heylighen | enghel myt groten verwonderen wat dese dinghen beduden | mochten Die enghel antwoorden hem ende seyde Inder stat | alle die daer wonen doen des bosen viants wille ende daer om isser | een ghenooch die te bewaren ende te houden onder sinen wil. |

79 N initiaal, 1 regel hoog, met zichtbare representant.

[fol. d3r]

Mer inden clooster sijn die brooders den bosen viant rebel ende | niet tot sinen wille Daer om sijn daer veel duuelen die gheeste | like deuote menschen becoren ende anuechten. |