Dialogus Creaturarum dat is Twispraec der creaturen

Van den ketel ende den hoghel Dat vierendetwintichste dyalogus |

[fol. d8r]

DIe ¹⁰³hoghel sprack op een tijt totten ketel ende seyde du | biste seer ondanckber om dat ick dy altoes opt vuer | draghe daerstu lecker spijsen kokest dattu nochtant | mi niet op enigher tijt daer of en gheeft Dijn gulsicheyt is soe | [5] groot dattu al verslinen wilste ende laetste my hongherich bliuen. | Die ketel antwoorden dattu mi dienste dat is tot mijnre scaden | ende verderfnisse. daer om en biste niet waerdich loon daer of | te ontfanghen mer meer pijn wanttu mi altoes opt vuer hou | dest ende doeste mi bernen ende verderuen Daer om waert mi mo | [10] ghelick ick soude di doden. Mer wilstu mi te willen dienen soe | besorghet mi des noot is ende oerbaer ende niet dat mi contra | ri is ende seyde voort DIe ¹⁰⁴ diensten diemen den luden doet. als | si ten oerbaer gheschieden sijn si goet. ¶ Daer om alstu andere | luden dienen wilste soe diene hem te wille dat si dij dancber mo | [15] ghen sijn anders seltu die weldaet verliesen Dat is dat seneca | seyt die den anderen niet mit oerbaerlicheyt en dient die eyschet | mit onrecht dat hi daer of loon ontfanghen sal Men leset een | fabel dat die muys op een tijt op een leeu ghinck spelen daer hy | lach ende sliep Ende die leeu als hi ontwaeck wort vinck die muys | [20] ende woudese eeten Die muys sanck grote ghenade ende seyde | hebt pacienci mit mi ende ontfermt mijnre. Ick salt v weder | lonen als ick vermach Die leeu lachede daer om ende bespot- | tede die muys denckende wat goet si hem soude moghen doen | Ende als hi aldus dye muys bespottede. gheschiedet dat dye |

103 D initiaal, 3 regels hoog, met zichtbare representant.

104 D initiaal, 1 regel hoog, met zichtbare representant.

[fol. d8v]

leeu gheuanghen wort in dye strick die op hem ghesettet was. | Doe dit die muys sach ghinck si toe en bete die coorden en twee | daer die leeu mede gheuanghen was ende verlossede den leeu. | ¶ Merket hier wt hoe ons die cleyne beesten danckbaer leren | [5] wesen Nochtant valtet dat die heren van hoerre quader ende fel- | le natuer mit weldaden die hem hoer ondersaten doen dicwijl | niet verbetert en worden mer ymmer soe veel te meer verargert | ende bliuen in hoer quade natuer ¶ Als men seyt dat een ion- | ghelinc int velt sach een serpent die van groter kouden seer ge | [10] cruust wort ende hy ontfermde hoers ende settese in sinen scoot | Ende doe die serpent wel verwarmt was stack si hoer venijnt | inden ionghen ende dooden hem Daer om seyt seneca dat serpent | en wort sonder vrese inden wijnter niet anghetast al ist verkout | want het niet of en laet sijn venijnt te scieten hoe koudt dattet is: |