Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dialogus Creaturarum dat is Twispraec der creaturen (2015)

Informatie terzijde

Titelpagina van Dialogus Creaturarum dat is Twispraec der creaturen
Afbeelding van Dialogus Creaturarum dat is Twispraec der creaturenToon afbeelding van titelpagina van Dialogus Creaturarum dat is Twispraec der creaturen

  • Verantwoording
  • Inhoudsopgave

Downloads

PDF van tekst (12.88 MB)

ebook (16.85 MB)

XML (0.69 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dialogus Creaturarum dat is Twispraec der creaturen

(2015)–Gheraert Leeu–rechtenstatus Auteursrechtelijk beschermd

Vorige Volgende

¶ Van die ransuyle die heerscappie hebben woude bouen die | andere voghelen ¶ Dyalogus twee ende tachtich. |



illustratie

RAnshuyl Ga naar voetnoot278 is een lelick voghel vol van plumen seer traech | [10] ende kranc te vlieghen: hy suypt die eyer der duuen | hi vanct die muysen In die kerck is hi garen ende suypt | die oli wt die lamp die hi oeck onreyn maket mit sijn dreckAls | hy angheuochten wort van andere voghelen dye des daghes | vlieghen gaet hi op sijn rugghe legghen ende weert hem mit- | [15] ten clauwen. Des nachtes vliecht hi hier ende daer ende des | daghes rust hi in die scueren ende gaten van die mueren Myt | desen voghel worden andere voghelen gheuanghen die omtrent | hem anulieghende sijn plumen hem onthalen om dat si alle sijn | vianden sijn Ende daer toe houdense die voghelaers op dat si | [20] met hem andere voghelen moghen vanghen ¶ Het is dan een | nacht voghel dye alre leelicste onder dye voghelen: ende ver- | smaet als die padde onder allen beesten. ¶ Op een tijt doe al- | le voghelen verghadert waren ¶ Ende si nae dat auentmael |

[Folio l4r]
[fol. l4r]

vreedeliken ghinghen rusten sonder vrese: verhief hem die huyl | ende seyde Ic ben leider onder allen voghelen versmaet ende niet | verheuen als mijnre edelheyt toe behoert daer om wil ick my | seluen groot maken. want ic wil mit mijn vrienden ende magen | [5] onder die andere oprijsen ende doden alle die grote voghelen op | dat ic dan prins ende heer der voghelen wesen mach: Onder | des worden die voghelen wt horen slaep ontwaeck siende die | verraders ende vianden. ende liepen haesteliken ende toghen | an hoor wapenen ende namense alle gheuanghen ende broch- | [10] tense ghebonden totten aern dat hy daer of iustici soude doen | Ende doe die aern dit verhoorden gaf hi sentenci teghen die ver | raders datmense sleepen soude alle die straten om ende hanghen | se nae an die galghe Ende oeck dat alle dat gheslacht der huy | len inder ewicheyt veruolghet soude worden. ende ghehaet | [15] | wesen van allen voghelen. Dit is die saeck na dattie fabulen | segghen dat alle voghelen den huyl veruolghen. waer om si | des daghes niet en derf onder die voghelen hem vertoenen. | Mer des nachtes vlieghende soeckt sijn aes ende seyt HI Ga naar voetnoot279 | valt die hem seluen maeckt groot. ende dye verraet doet coemt | [20] int eynde ter doot Des ghelijck boortet in veelen steeden dye | van quaden houaerdighen regieres gheregiert warden die dic | wijl arbeyden die lantsheren willen bi verraet te nyet brengen | op dat si selue heren moghen warden Die hem wel behoeuen | te wachten dat si mit gheliker pinen nyet ghedoot en warden | [25] Daer om seyt die wijse man en wilt niet quaet doen ende dye | quaden en sellen di niet vanghen. En wilt niet sondighen in | veelheyts des volcks vander stat ende onderwinde di nyet | onder dat volck Die groot in regimenten of in machten sijn. | sellen te vreeden wesen in horen staet ende nyet myt ghewelt | [30] tot hem nemen meerre macht want alre machtigher menschen | ist leuen cort als die wijse man seyt Ende die hier niet verstaen | en wil die cortheyt des leuens die sal nae desen leuen onder- | vinden die lancheyt der pinen Valerius scrijft dat die grote a | lexander ghehoort had van een van sinen dienres dattie philo- |

[Folio l4v]
[fol. l4v]

sooph democritus gheseyt hadde datter veel werelden souden | wesen daer om wort hi seer screyende ende seyde We mi onsaly | ghen die noch niet een werlt ghebruyct en heb Ende weynde al | le die werelden te beheren Ende onlange nochtant daer na wort | [5] hi doot gheleyt in een graft van vijf voeten Daer om warden | wi vermaent van enen wisen die seyt O edel mensch wat sor- | gheste dus seer verganckelike dinghen te hebben veel ende meer. | Die di nochtant niet en moghen bescrermen Ga naar voetnoot280 ghi en moet spij- | se wesen der wormen. NIe Ga naar voetnoot281 en mocht mensch lang dueren in | [10] macht. hi doet seer wel die des neemt acht Der werlt glori is | cort ende licht. Salich is hi die dit voorsicht Een man seyde tot- | ten groten alexander Sich wel heer als du inden top ghecomen | biste dattu niet vanden tacken gehindert en wordes ende also dan | neder selste moeten vallen Een soudaen siet wesende doe hi sach dat | [15] hi steruen most liet hi sijn dootcleet hanghen an een glaui als een | wimpel ende dat also voeren alle die straten doer van die stat ende | daer ouer luyde roepen dat hi van alle sine groten landen ende | van alle sijn scatten ende rijcdommen anders nyet mit hem nemen | en soude inder doot dan dat doot cleet |

voetnoot278
R initiaal, 3 regels hoog, met zichtbare representant.
voetnoot279
H initiaal, 1 regel hoog, met zichtbare representant
voetnoot280
bescrermen lees: beschermen.
voetnoot281
N initiaal, 1 regel hoog, met zichtbare representant.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken