Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dialogus Creaturarum dat is Twispraec der creaturen (2015)

Informatie terzijde

Titelpagina van Dialogus Creaturarum dat is Twispraec der creaturen
Afbeelding van Dialogus Creaturarum dat is Twispraec der creaturenToon afbeelding van titelpagina van Dialogus Creaturarum dat is Twispraec der creaturen

  • Verantwoording
  • Inhoudsopgave

Downloads

PDF van tekst (12.88 MB)

ebook (16.85 MB)

XML (0.69 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dialogus Creaturarum dat is Twispraec der creaturen

(2015)–Gheraert Leeu–rechtenstatus Auteursrechtelijk beschermd

Vorige Volgende

Vanden eenhoorn die den ouden versmaden Dyalogus xciiij. Ga naar voetnoot315 |

[Folio m8r]
[fol. m8r]


illustratie

EEnhoorn Ga naar voetnoot316 is een dyer dat een hoorn in sijn voerhoeft | heeft dat vier voeten lanck is also scerp ende sterc dat hi | daer mede doer grauet alle dat hi wil ende heeft stryt | mit die elephanten die hi in hoer buyc doer steket ende werptse al | [5] so ter aerden Hi is also sterck datten gheen iagers en moghen van | ghenMer als si segghen die vanden natueren der dieren ende bees | ten scriuen So wort daer een scoen maghet ghebrocht die hem | als hi coemt in horen schoet laet rusten daer hi alle sijn wreetheyt | of leyt ende wort aldaer ontslaep dat also onwtende sonder | [10] wederstoot gheuanghen wort als ysidorus seyt ¶ Sommighe | andere segghen dattet een hoorn in dye noese heeft ende is al- | soe van onghetemmedrr Ga naar voetnoot317 natuer al waert oec gheuanghen dat | mens niet en soude moghen houden Dit beest ende dier om syn | re sterckheyt ende ioeghet en mocht gheen ouden man sien Ende | [15] alsoe dicke alst enen ouden mensche sach . plach hy hem den | ghuych nae te slaen Ende om dat die oude menschen van ouder | dom krom ghinghen wees hise mitten vingher ende bespotte | dese voer andere luden Die tijt heeft sinen loop ghehat also dat | hi oec out gheworden is waer om die hem an saghen hem oec ver | [20] smaden dat hi verduldeliken verdroech ende seyde. DIe Ga naar voetnoot318 out | wil wesen ende langhe leuen.die sal den ouden prijs ende reuerenci | gheuen.Hier wt machmen merken dattie ouden vanden iongen niet | en sellen warden versmaet mer dat sise hebben sellen in reuerencien | Dit heeft god die heer int oude testament geboden daer hi seyt |

[Folio m8v]
[fol. m8v]

voer den ouden grauwen man van hoofden selstu opstaen ende | eren die persoen des ouden Dit leert oec die apostel petrus in | sijn epistel ende seyt Ghi ionghen selt onderdanich wesen den | ouden Oec seyt die wise catho wijck ende ghif den ouden stee- | [5] de Aldus scrijft valerius dattie grote alexander sonderlinghe | eer ende liefte verdienden an sijn ondersaten mit goedertieren | heyt want op een tijt doe hi mit sinen heren ende ridderen in | groten perikel was in die zee ende hy sat op enen groten stoel | bi dat vuer: sach hy enen ouden ridder die van groter kouden | [10] ghepinicht wort dat hi wt sinen stoel ghinck ende settede den | verkouden ridder mit sijn eyghen handen in sinen stoel bi dat | vuer daer hi gheseten had. Item noch seyt valerius wanneer | die ouvaers oudt warden soe setten die ionghen hoer ouders | int nest by hoor borst ende makense warm : ende gheuen hem | [15] voetsel des si behoeuen. Dit souden die menschen die redelike | creaturen sijn merken ende doen horen ouders oeck alulck Ga naar voetnoot319 ges | mack ende hulp als si dicwijl in hoor ouderdom behoeuenDaer | om seit noch valerius dat op een tijt een edel welgheboren wijf | om hoer misdaet gheuanghen was. ende inden karker gheset | [20] op dat si daer van hongher vergaen soude ende steruen. ende | hoor dochter oorlof hadde vanden rechter dat si alle dage eens | hoer moeder mochte visiteren daer si besloten sat ende si altoes | narnstelic besocht wort of si enich broot of spijse tot hoer moe | der brochte dat si niet doen en mochte mer si tooch wt hoer bors | [25] ten ende gaf hoer moeder alle daghe dye te suyghen ende voe- | de hoer moeder alsoe mit dat melck hoorre borsten. Ende ten | lesten doe die rechter dat vernam wort hi wt goedertierenheyt | beweghen ende gaf der dochter hoer moeder weder Des ghe | ghelijck Ga naar voetnoot320 lesetmen oec van enen ouden vader die alsoe oeck ghe- | [30] voedet wort van sijn dochter. Onder alle dieren vindetmen | dattie ghieren alleen hoer ouders van hongher ende kommer | laten steruen

voetnoot315
De gehele titel is onderstreept
voetnoot316
E initiaal, 3 regels hoog, met zichtbare representant.
voetnoot317
onghetemmedrr lees: onghetemmeder.
voetnoot318
D initiaal, 1 regel hoog, met zichtbare representant.
voetnoot319
alulck lees: alsulck.
voetnoot320
ghe | ghelijck lees: ghelijck.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken