Dialogus Creaturarum dat is Twispraec der creaturen

(2015)–Gheraert Leeu– rechtenstatus


¶ Van die buffel den scoemaker ¶ Dyalogus Cij \| BVffel Ga naar voetnoot343 is een dier ghelijck den os also wilt ende ongetemmet \| datmen hem gheen iuck of halster aen sijn hoeft ofte \| [20] hoornen doen en mach Ende hebben grote langhe hoornen \| also heerliken wel ghesettet dat mense ter tafelen der groter heren \| plach te brengen om daer wt te drincken Dit dier is also wilt \| ende sterck datment nyet temmen ofte bedwinghen en mach. \| dan biden yseren rieck Ga naar voetnoot344 dye in sijn nose doer steken is daermen \|
[Folio n7r]
hem bi leyden moet daer hi wesen sal Ende is swart ofte donc- \| ker van haer dat seer weynich ende dun is op sijn huyt ghesaeyt \| hebbende een voerhooft hart als een hoorn dat besettet is mit \| groten stercken hoornen: Sijn vleysch en is niet alleen nutte \| [5] tot spijse mer oeck tot medicijn als plinius scrijft. Dese was \| een rijck vernaemt scoemaker die bi sijnre konsten mit groter \| familien een heerliken staet houdende was Mer doe hi rijc ende \| groot gheworden was began hy een ofkeer van dat scoema- \| ken te crighen ende seyde. Dit ambocht is seer versmadelick \| [10] want ick altoes lelike swarte handen hebben moet: sittende \| in grote onreynen stanc ende teesen ende recken dat vette on- \| reyn stijnckende leet mitten tanden Hier om en wil ick dit am \| bocht niet meer hanteren Mer ic wil mi verbeteren ende war \| den een apteeke ofte cruyennier op dat ick wel rucken mach \| [15] nae die cruyden Doe hi doe een apteker gheworden was. be- \| spottede hem alle menschen om dat hi die konsten niet een had \| de die syropen ende andere recepten te maken ende gheen ken \| nisse en hadde van die cruyden noch verstand die te verkopen \| of oeck te kopen: waer om dat hi corteliken tot groter armoe \| [20] den quam ende al heel te niet ende seyde BEter Ga naar voetnoot345 ist den \| mensch hem in sijn staet te houden. dan of hi hem onbehoerli- \| ken verwanderen woude ¶ Hier om sal hem een yghelic men \| sche wachten ende merken sinen staet wel aen ende niet haes- \| teliken hem te verwandelen Paulus Inden staet daer ghi ge \| [25] ropen sijt daer bliuet in. Seneca. Die plante dye dicwijl ver \| settet ende verplant wort die en sal niet dijen. Want volstan- \| dicheyt is een wel besette staet dye inder reeden gheuesticht is \| ende daer eweliken in bliuet Jullius die poeet seyt Inder volstandich- \| heyt sel die mensche wesen onbeweechlic ende en sal niet bewegen war \| [30] den daer of te sceyden in wederspoedicheyt ofte niet verheuen war \| den in voerspoet Item hi en sal niet veruaert warden mit drey \| ghen of besmeket worden van groten beloften der gauen: \|
[Folio n7v]
Die grote alexander en konde die stantafticheyt ende volhar- \| dicheyt des philosoophs diogenes niet verwinnen In dien dat \| hi op een tijt tot hem ghinck daer hi in die sonne was sittende \| ende hem vraghede wat hi van hem ghegheuen woude hebben \| [5] dat hem doe diogenes die philosooph antwoorden Ic woude \| bouen alle dattu mi geen hinder en waerste inder sonnen schijn \| dat is te segghen dattu niet en staes tusschen die sonne ende my \| Hier wt is doe een ghemeen spraec gheworden onder die men- \| schen dat alexander die grote heer dyogenem den philosooph \| [10] van sijnre steden myt rijckheyt des tijtliken goets niet bewe- \| ghen en mochte. Mer haesteliker mit ghewapender hant den \| coninck darius van sinen coninkliker stoel verdriuen soude. \| Dan dyogenem mit gelde ofte goet van sijn stantachticheit te \| brenghen. Daer om seyt seneca dat diogenes veel machtigher \| [15] ende rijker was dan alexander die coninck dye alle dye werlt \| beheert had wanttet meerder was dat hi niet hebben en wou \| de dan dat alexander mochte gheuen Ende dat doe alexander \| in dien daghe verwonnen was om dat hi een mensche gheuon \| den had dien hi nyet gheuen of oeck yet mochte ontnemen. \| [20] want die philosophen alle tijtlike dinghen versmaden Daer \| om vindetmen dat een philosooph seer op een tijt screyede dat \| hi sach dattie menschen also arbeydende waren in die wijngaer \| den te teelden ende huysen te tymmeren recht of alle hoor salich \| heyt daer in gheleghen waer Een ander philosooph bespotte \| [25] de die menschen om dat si so naernstich waren om die genoech \| te des vleysschen ende dye verganclike dinghen te ghebruken. \| Daer om seyt die propheet Ieremias: Dwaes is gheworden \| alle menschen van sijnre weetentheyt. bescaemt is alle men- \| schen van sinen afgodDese afgod is alle dinc daer die mensche \| [30] inder werelt sijn ghenoecht in maect \|	voetnoot343 B initiaal, 3 regels hoog, met zichtbare representant. voetnoot344 rieck lees rinck. voetnoot345 B initiaal, 1 regel hoog, met zichtbare representant.

Vorige Volgende

¶ Van die buffel den scoemaker ¶ Dyalogus Cij |