Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dialogus Creaturarum dat is Twispraec der creaturen (2015)

Informatie terzijde

Titelpagina van Dialogus Creaturarum dat is Twispraec der creaturen
Afbeelding van Dialogus Creaturarum dat is Twispraec der creaturenToon afbeelding van titelpagina van Dialogus Creaturarum dat is Twispraec der creaturen

  • Verantwoording
  • Inhoudsopgave

Downloads

PDF van tekst (12.88 MB)

ebook (16.85 MB)

XML (0.69 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dialogus Creaturarum dat is Twispraec der creaturen

(2015)–Gheraert Leeu–rechtenstatus Auteursrechtelijk beschermd

Vorige Volgende

¶ Van die scemynckel ende taxus Dyalogus Cxvij |

[Folio p7v]
[fol. p7v]


illustratie

TAxus Ga naar voetnoot404 is een dier also groot als een vossche die veel haers | ende ruychs op sijn vel heeft Wanneer dat hi vanden | menschen ofte honden gheiaget wort houdet hi sijn aen- | tocht al heel in hem seluen ende maect sijn vel also groot ende vol ende | [5] opgeblasen dat hem die slagen der menschen ende die beeten der hon- | den niet quetsen of deren en mogen Dese beest hatet den vos seer. | ende plech dicwijl mit hem te vechten Mer als die vos siet dat hijs | om die hardicheyt ende ruycheit sijns velles niet quetsen en mach | so veynset hi hem verwonnen te wesen ende lopet dan also wech. Ende | [10] wanneer dit dier taxus sijn roef soeket so lopet dye vos in sijn hol | ende maket dat van pisse ende andere vulnisse onreyn Ende als dan | taxus weder tot sijn hol komet om dattet die stanc ende onreynich | heit niet verdraghen en mach laet hi sijn nest ende hol ende kiest een | ander Ende wanneer hem des winters spise ende uoetsel ontbreket gaet | [15] tet leggen slapen voer sijn eten wanttet een dier is dat seer slape- | rich is Tot dit beestgen quam die scemijnkel ende seyde Ic bidde di | broeder wilt mi lenen hondert merck want ic reysen wil ouer die | zee om comenschap te doen ende alle dat ic daer mede winne. wil ic | trouweliken mit u delen Taxus antwoorden dat wil ic seer ga | [20] ren doen om dat ic rusteliken leuen wil Isset dattu mi borge set- | tes bi een notarius hant Die sceminkel brochte dye buffel ende | dat stier voer sijn borge ende maecten daer of een hantteyken | bi dat tellenaer die notarius was ende toech sijns weghes mit- | ten gelde ende en quam nie weder Doe dit taxus sach dat hy al |

[Folio p8r]
[fol. p8r]

so bedrogen was vander scemynckel eyschede hi dat gelt van die | borgenMer si en wouden daer niet eens voer hincken ende hadden | hoer guechelinge daer mede Doe ginc dat beest taxus ende clage | de dat den rechter tonende hem dat hantteyken mitter obligaci | [5] Die rechter dede die borgen voer hem comen te recht ende gaf mit vol | len gerechte die sentenci dat si betalen souden dat si hadden ghe | louet nae wtwisinghe der obligacien Hier om worden si seer ver | bolgen op dat beestgen ende veruolgedet seer ende sloegent ten lesten seer | swaerliken Also dat taxus seer gewont was ende seide Wie Ga naar voetnoot405 | [10] dat sinen vrient yet leent. maect vienscap als hijt weder neemt. | Aldus valttet dicwijl datmen den vrient leent mer den viant maent | Ende nochtant die propheet inden souter seyt Vrolick ende goet is | die mensche die ontfermet ende leent Mer catho die wise leert ende | seyt Sie wie du gheuest Of hi seggen woude Die geuet of die | [15] leent sal besceydenheyt daer in besighen Een fabel seitmen van | eenre geyten die mitenen groten buyck van ionghen ginc ende niet en | wist waer bliuen ende quam tot eenre andere die een goet nest ende hol | hadde ende badde hoer mit soeten minliken woorde om dat die tijt | bi was dat si hoer ionghen soude werpen ende si geen hol of nest en | [20] hadde dat si hoer herbergen wilde ende beloefden dat si also vroegh | als hoor iongen geworpen waren ontruminge soude doen ende hoer | huis weder gheuen Die geyt geloefden horen worden ende ghinc wt | hoer hol ende liet die ander daer in gaen Ende nae dattie iongen ghe | worpen waren quam si weder eyschende na die belofnisse hoer huis | [25] Mer die ander die daer in was stoppede hoer oren ende sloot die kuil | al vast toe ende en woudese niet ouer geuen als si gelooft hadde | ende seyde Ick en ontsie dine tanden niet want die tanden mijnre | ionghen sellen di alheel verscoren Daer die mensche wt geleert | wort dat hi altoes den sconen woorden niet ghelouen en sal. | [30] want veel luyden dicwijl by der goedertierenheyt bedrogen worden | Als men daer of ghemeenliken seyt in een parabel En Ga naar voetnoot406 wilt | niet gelouen altoes. den valschen want hi is loes Van lichtelic te | gelouen plech dic te komen:groot verlies oec ende kommer Alsoe als | die poeet leert in dye fabulen willende bewijsen datter den |

[Folio p8v]
[fol. p8v]

quaden niet laten en mach wanneer dat hert der boser menschen niet | gedachtich wesen en wil mit scamelheit der weldaden die hem ge | daen sijnMen seit dat een wolf op een tijt doe hi sine spijse eer | kauweden een been in sijn keel ouerdwars gekregen had waer | [5] om hi seyde tot een kraen dat hi comen wilde mit sinen langen hals | dat been wt sijn keel te halen: ende dat hi daer sijn loen of soude | hebben Doe die kraen gekomen was ende dat been wtgewonnen had | de eyschede hi sijn loen vanden wolfDie wolf antwoorden hoer ende | seyde O du onsalige wat wilstu nu van mi meer hebben En mer | [10] keste niet dattu van mijnre ghenaden leueste want ic hadde di mit | enen beet dinen hals of mogen bijten doe dijn hoeft in mijnre ke- | len stacDaer om hebt ghy ghenoech voer dijn loen dattu van | mi hebben soutste dat ic di leuendich heb ghelaten. |

voetnoot404
T initiaal, 3 regels hoog, met zichtbare representant.
voetnoot405
W initiaal, 1 regel hoog, met zichtbare representant.
voetnoot406
E initiaal, 1 regel hoog, met zichtbare representant.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken