Dye hystorien ende fabulen van Esopus

§ Die seuentyende hystorie vertelt hoe dat Esopus vant eenen scat ende tresoir | van goude ende doe hij hoe¹⁴³ in die vanghenisse ghestelt wert. |

ENde corts daer nae als xanctus was met esopus ter plaetsen daer sij die groote | [20] graeuen der voirvaederen met die Ephytaphyen ende bouen ghescriften besiende | ware. So ghebuerdet dat esopus al daer versach een graf dat daer stont beneuen | eender columnen daer men inne clam met vier trappen daer aen stonden ghescreuen | vier latijnsche letteren te weten. a.b.d.o.e.th.ch. Ende ghinc seggen tot xantus. Mijn | lieue heere wat moghen die letteren beteykenen die al daer ghescreuen staen. | [25] Ende xantus sachse seer naernstelijcken an ende bedacht hem langhe tijt watse beduyden |

143 doe hij hoe lees: hoe hij doe.

[fol. c4r]

mochten Mer want hij die beduydenisse daer af niet verstaen en conde so seyde hij tot | esopus. segt mij esopus wat dinghen beteykenen dese letteren Ende esopus seyde hem Mijn | lieue heere Eest dat ick v hier eenen scat wijse wat loon sult ghij my gheuen Ende ter | stont daer nae seyde hem xantus sijn meester Hebt goeden moet want ic sal v wederom | [5] me stellen in dijne vrijheyt ende gheuen v deen helft vanden scat Dit hoorende esopus clam | die vier trappen op ende ghinc grauen beneuen die columne soe langhe dat hij al daer vant | den voirghenoemden scadt. den welcken hij terstont gaf sijnen meester segghende in | deser manyeren Mijn heer ic bidde v eest dat v belieft dat ghij my nv doet dat ghij | beloeft hebt Ende xantus seyde hem Ten sij sake dat ghij mij eerst ende al te voren bewijst | [10] hoe ende in wat manyeren ghij dese conste wetet ghij en sult gheen vrijheyt hebben. | Want ick rekenne¹⁴⁴ veel meer die conste dan die scadt Ende esopus seyde hem Die ghe- | ne die hier den scadt verholen ende gheleyt heeft. die beduydet bij dese letteren als een | phylosophe die hier ghescreuen staen in den latijne Ascende gradus quatuor fo | dias inuenies thesaurum auri. Dats te seggen Clymmet op vier trappen ende grae | [15] uet ende ghij sult vinden eenen scadt van goude Ende terstont seyde hem xantus Nae dien dat | ghij dus subtijl sijt zoe en suldi gheen vryheyt hebben Ende esopus anrwoirde¹⁴⁵ hem. siet | wel toe wat ghij doet want desen scadt behoort toe den coninc Ende xantus seyde Hoe | coemstu dit te weten Esopus sprack Die letteren beduydent ons dat den scat die ghij | gheuonden hebt sult wederomme gheuen den coninck dyonisio. Ende als xantus hoorde | [20] dese woirden. als dat den scat die sij gheuonden hadden behoorden toe den coninc dyo | nisio so sprack hij terstont tot esopus Neemt die een helft van alle den scadt ende en seg | ghes nyemant die daer leuet Waer op esopus hem seyde Ghij en gheeften my niet | mer den ghenen dien hier gheleyt heeft Ende xantus seyde Hoe weet ghij dat Esopus | sprac want die letteren die daer nae volghen beduydet ons. E.d.q.i.t.a. Dwelc is | [25] te segghen Euntes diuidite quem inuenistis thesaurum auri. In onser talen Gaet en- | de deylt den scadt van goude die ghij gheuonden hebt Ende doe sprack xantus Laet | ons gaen thuyswaert ende deylen. |

144 rekenne lees: rekene.

145 anrwoirde lees: antwoirde.