Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dye hystorien ende fabulen van Esopus (2013)

Informatie terzijde

Titelpagina van Dye hystorien ende fabulen van Esopus
Afbeelding van Dye hystorien ende fabulen van EsopusToon afbeelding van titelpagina van Dye hystorien ende fabulen van Esopus

  • Verantwoording
  • Inhoudsopgave

Downloads

PDF van tekst (23.04 MB)

ebook (27.60 MB)

XML (0.82 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dye hystorien ende fabulen van Esopus

(2013)–Gheraert Leeu–rechtenstatus Auteursrechtelijk beschermd

Vorige Volgende

§ Die seuenentwintichste hystorie vertelt hoe dat esopus gheuanghen wert ende | hoe hij weder ontquam ende liep inden tempel van appolijn ende hoe hij sterf. | ende sijn leuen eyndede. |



illustratie

[15] ENde als esopus teghens hemluyden hem verweerde zo ontquam hij wt | haren handen ende vliede in den tempel van Appollijn mer ten halp hem niet | want met ghewelt toghen sij hem wt den tempel ende brachten hem ter stede daer | sij hem van bouen neder doot wilden werpen Ende esopus siende dat sij hem dus scan | delijcken leydende waren seyde hij tot hem in deser manyeren Mijn heeren ende | [20] lieue vrienden. en ontsiet ghij v niet van uwen goeden god appollijn die welcke | hem wel ouer v luyden wreken sal maer niet teghen staende dat sij hem nochtan leyden | totter plecken omme te doen steruen Ende esopus siende dat hij teghens hem luy- | den niet wederstaen en mochte. zoe seide hij tot hem eene fabule in deser manyeren | Het was in dien tijden voirleden eene vrouwe die een dochter hadde maghet | [25] wesende ende dwaes die welc haren god badt om dat sij haer dochter wijsheyt ende |

[Folio e1r]
[fol. e1r]

verstant gheuen wilden Dit dede die moeder dickwijlen. Ende als die dochter dit | wiste so ghinc sij een reyse met haer moeder te velde Sij int velt wesende sach de | se ionghe maecht een man die daer een sommyer paert driuende was. ende seyde | tot hem. Schoone ionghelinc wat doetstu. ende met dien terstont noch anderwerf | [5] sprac sij tot hem Helas mijn wtvercoren vrient Ic bidde v dat ghij die sinnen in mij | nen lichaem storten wilste ende mijn moeder salt v betalen Ende die ionghelinck dit | hoorende namse tot hem ende stelde haer die sinnen in haren lichaem ende ontsuuer | dese Dit dus wesende ghedaen sij blijdelijcken thuyswaert ghinc segghende tot | harer moeder aldus Mijn lieue moeder ick hebbe gheuonden eenen suuerlijcken | [10] ionghen gheselle die mij die sinnen in mijnen lichaem ghedaen heeft. dwelc als die | moeder dit hoorde sprac sij tot harer dochter. Mijn lieue dochter. Du en hebste | dijn sinnen niet wderommeGa naar voetnoot163 vercregheuGa naar voetnoot164 mer die selue sinnen die du haddes hebt ghij | verloren Item hij seyde hem luyden noch een ander fabule Het was een arbey- | der die welcke van synen ionghen daghen inden velde tot dat hij in sijnen ouden | [15] daghen ghecomen was altijt ghewoent hadde sonder dat hij nye in eeneghen | steden verkeert oft ghewandelt hadde. Ende badt sijnen meester dat hij eens mocht | die steden besien Ende sijn meester hem dit gonnende so hebben sij hem op eenen wae | ghen gheset Die welck twee ezelen voirt toghen segghende totten ouden man aldus. | Steect voirt deser ezelen want sij sullen v voeren den rechten wech ter stadt wart | [20] aen. Ende als hij dese ezelen aldus voirt stekende was quam daer een groot tem- | peest ende onweder ouermits twelc die ezelen waren veruaert alzo dat sij dwaelden buy | ten den rechten weghe Ende vuerden op eenen hooghen berch. Ende want die ezelen | ouermits den tempeeste niet sien en conden so vielen sij metten waghen van bouen neder | Ende als die oude man sach dat sij den waghen omme worpen van bouen neder seyde | [25] hij tot iupiter den afgod in deser manieren O iupiter om dat ic verthoornt hebbe | so eest dat ic iammerlijcken mijn leuen eynden ende steruen moet Mer het verdriet | mij meer ende ben droeuegher van dattet sijn dese ongheualleghe ezelen diet mij | doen dan oft waren scoon ende suuerlijcken paerden. Ende also eest oick met mij want | ick van goeden luyden ende rechtvaerdeghe niet ghedoot en werde mer van v luyden | [30] die boes valsch ende onrechtvaerdigh sijt Ende als sij waren ter plecken omme van bouen | neder te worpen seyde hem esopus een ander fabule sprekende aldus Het was | een man die op sijn dochter versot was haer in onsuuerre lieften beminnende was. | die welck hij nam met ghewelt ende vercrachtese. Ende die dochter seyde tot hem. | O mijn lieue vader ghij sijt wel een man buyten synnen mij aen te doen dese scaem- | [35] te ende scande. want ick dese sonde lieuer van hondert vremder mannen te lijden | hadde dan van v die mijn vader sijt ende soe confuyselijcken ende leelijcken is. Ende | aldus eest oick met mij ende van v quade ende verkeerde menschen want ick had- | de lieuer te lijden alle scande ende pijnen der werelt van volck dat goet ende edel | waer dan van v boeuen ende boose menschen aldus iammerlijcken ghedoot te wer | [40] den Mer ick dancke die goden ende goddinnen hem innichlicken biddende |

[Folio e1v]
[fol. e1v]

dat sij v pynighen ende betalen willen van tquaet dat ghij mij aendoende sijt. Ende | in aldusdanigher manyeren ende woirden worpen sij hem vanden berghe van bouen | neder Ende aldus so sterf esopus iammerlijck ende onverdient |

voetnoot163
wderomme lees: wederomme.
voetnoot164
vercregheu lees: vercreghen.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken