Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dye hystorien ende fabulen van Esopus (2013)

Informatie terzijde

Titelpagina van Dye hystorien ende fabulen van Esopus
Afbeelding van Dye hystorien ende fabulen van EsopusToon afbeelding van titelpagina van Dye hystorien ende fabulen van Esopus

  • Verantwoording
  • Inhoudsopgave

Downloads

PDF van tekst (23.04 MB)

ebook (27.60 MB)

XML (0.82 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dye hystorien ende fabulen van Esopus

(2013)–Gheraert Leeu–rechtenstatus Auteursrechtelijk beschermd

Vorige Volgende

[20] § (156) Die tyende is van die manierlicheit van des conincs cleermaker ende | sijnen naeyers oft knapen die ons toent dat den loon des bedroechs met be | droghe is ghemeyne ende dat ghi niet en wilt datmen v doe dat en wilt nye- | mande anders doen. daer af hoort dese manierlicheyt |



illustratie

Eenderhande coninc had eenen goeden cleermaker die van alle laken conste sniden clede | [25] ren bequaem ende betamende elker tijt ende elken persone dese hadde goede disciplen | vanden welcken de een gheheeten nedius alle dander te bouen ghinc van wel te nayene |

[Folio M5v]
[fol. M5v]

Ende nakende een groote feeste heeft die coninc sijnen snider oft cleermaker geroe | pen ende heeft hem beuolen dat men hem ende sijnen huysghesinne maken soude costelijke | cleederen na gheleghentheyt vanden tijde. ende op dat tselue te gherader sonder merren | ghescien soude heeft die coninc gheordineert ende gheset eenen van sinen camerlingen | [5] gheheeten Eunucus om dese naeyers te bewarene spijse te besorghen ende oueruloe- | delic te lauene Op een tijt als hi den nayers diende ende voirsette heet broot met | honich ende ander spijsen seyde hi totten ghenen die daer aten wilt bewaren nedio die | niet tegenwoirdich en is sijn deel Die meester de nayer seyde Nedius en soude gheen | honich eten al waer hi oic nv tegenwoirdich Als sij ghegeten hadden quam nedius ten | [10] aenganghe ende seyde wat hebt ghi gheten in mijnder absencien ende en hebt mijn deel niet | bewaert Eunucus antwoirde V meester seide dat ghi gheen honich en soudt gheten | hebben al hadt ghi oic tegenwoirdich gheweest Nedius sweech ende dachte neerste- | stelicGa naar voetnoot261 hoe hi dat sijnen meester vergelden soude. dwelc bedacht sijnde op eenen tijt | als die meester absent was vraechde eunucus desen knape nedio oft hi oyt beter | [15] snyder ghesien hadde dan sijn meester Nedius antwoirde heer hi waer een seer | goet meester en hadde hi niet so groten ghebreck Eunucus vraechde wat ghebreck | dat hi hadde Nedius seyde Hi is zo seer ghequelt met frenesie ende wtsinnicheyt dat | hi somwijlen quelt met slane alle die ghene die omtrent hem sijn Eunucus seyde wis | te ick die vre dat hem die wtsinnicheyt aencomen soude ic soude hem doen binden op dat hi | [20] nyemant en sloeghe Nedius seyde als ghi sien sult dat hi hier ende daerom siet die | tafel met sinen handen slaet. ende opstaende vanden stoele daer hi op sittende is den seluen | stoel metter hant neemt weet dat hi dan wtsinnich is. ende eest dat ghi dan niet toe en | siet ghi sullet met ons ontghelden Eunucus seyde. ghi moet ghebenedijt sijn want | voirdane sal ic v ende mij bat wachten ende behoeden Des anderdaghes daer na heeft | [25] nedius sijns meesters scare heymelic gheborgen Die meester de snyder soekende | sijn scheere ende niet vindende begonste met sijnen handen te slane herwaert ende daer- | wert te siene. van sijnen stoele op te stane ende den stoel daer hi op sat metter hant opte | heffen Dit siende eunucus heeft sijn dienaers ende sargianten gheroepen ende beuolen | dat sij terstont den meester de snyder binden souden ende om dat hi niemant slaen en sou | [30] de met roeden smiten souden Die snyder zeer roepende seyde. Wee mij waerom slaet | ghi mi wat quaet hebbe ick ghedaen. maer sij smeten noch stiuer. ende doen sij moe | de waren van smyten hebben sij hem ontbonden. hij seer versuchtende ende sij | nen adem nauwelijc verhalende heeft Eunucho droeflic ghevraeght. waeromme | dat hi den ontsculdeghen so seer heeft doen slaen Eunucus seyde dat is ghesciet tot | [35] uwer baten ende omme uwen twille want nedius v discipel heeft mi gheseit hoe dat | ghij somwijlen wtsinnich sijt ende en waert ghij niet met banden ende slagen hertelic ge- | corrigeert ghi en soudt niet aflaten wtsinnich te sijne daeromme sijt ghi van ons | ghecastijt op dat ghij ghesont worden soudt. Doen seyde die meester de snyder | tot nedio. O du alder quaetste knecht wanneer hebt ghi mij onsinnich ghesien | [40] segt Nedius antwoirde Doen ghi seyt dat ic gheen honich en mochte Eunucus |

[Folio M6r]
[fol. M6r]

ende dandere dit horende loeghen ende seyden dat hi dese pijnlicheyt oft slaghen wel ver | dient hadde Want bedroch es vore arghelist. ende ghelijc es voer gelijc ghegheuen |

voetnoot261
neerste-|stelic lees: neerste-|lic.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken