Het schilder-boeck

Van Cimon, Schilder van Cleonen.

De voetstappen van den verhaelden Eumarus, is stracx cloeckelijck nae ghetreden eenen Cimon van Cleonia, een stadt wat diep in't Landt van^* Achaien gheleghen. Desen heeft ghevonden de vercortinghen: heeft oock eerst voortghebracht en ghemaeckt beelden van ter sijden, hebbende de aensichten ghekeert op verscheyden wijsen, somtijts op, somtijts nederwaert siende, een dinghen voor zijnen tijdt niet ghebruyckt zijnde. Hy was oock d'eerste, die in zijn Schilderije liet sien alle de coppelinghen, leden, spieren, en aderen des Menschen lichaems: Oock was hy d'eerste, die uytbeelde in lakenen oft cleederen verscheyden vouwen en kreucken.

* Cimon heeft de vercortinghen, en ander dinghen ghevonden.