Van Socrates, een Schilder.
Met groote oorsaeck heeft in de Schilder-const geruchtich gheweest desen Socrates: want zijn uytnementheyt heeft gebleken aen een stuck, daer men sagh zijnen Aesculapius, verselschapt met zijn Dochters, te weten, Hygia, aegle, en Panacaea: oock aen eenen Iason, die hy ghedaen hadde. Desgelijcx aen eenen zijnen Luyaert en Lanterfant, dien hy hadde gheschildert, welcken hy den naem gaf Ocnos, dat soo veel gheseyt is, als Luyaert, deugheniet, oft fielt. Desen hadde hy ghemaeckt een seel draeyende van geenst oft brem, daer t'eynden aen eenen Esel stondt en knaeghde.