De cleyn vverelt

[fol. 50r]

[Van een nieuvv teyle een ghelijckenisse goet]

Van een nieuvv teyle een ghelijckenisse goet,
En van t'sap datmen daer eerst inne doet.

Prov. 22.

Datmen een kint leert naer sijn behaghen,
Sal hy onthouden in sijn oude daghen.

[fol. 50v]

 

SVlck sap als ghy in een nieuvve teyle doet,

 

Sal langhe tijden daer naer riecken, dats vvaer.

 

VVatmen oock die ionckheyt leert t'sy quaet oft goet,

 

Sal d'outheyt langhe ghebruycken daer naer.

 

Daerom ghy ouders leert u kinderen eenpaer

 

In goede consten, en seden ghepresen.

 

VVant een kint is als een effen tafel, daer

 

Die meester in drucken mach vvat hem goet dunct vvesen.

 

Soumen in dese tafelkens dan ondeucht lesen?

 

Och dat vvaer schade! vvant Christus met beschee

 

Seyt: vvie vererghert een kint van desen,

 

T'vvaer beter dat hy laghe in het diepste der zee.