De cleyn vverelt

[fol. 53r]

[Vlyssis ghesellen gulsich van manieren]

Vlyssis ghesellen gulsich van manieren,
VVorden verandert in onredelijcke dieren.

Prover. 9.

De ghestolen vvateren sijn soet ende claer,
En t'verborghen broot is noodelijck voorvvaer.

[fol. 53v]

 

HEt bedroch der vrouvven leert ons Circe bloot,

 

Die veel mannen bedrooch deur haer boosheyt groot.

 

Aen haer lant vvert Vlyssis van den vvint ghedreven,

 

Maer om dat hy syn ooren met vvasse toesloot,

 

Ende liet hem binden aen den mast van synen boot,

 

Soo en is hy haer (als d'ander) niet ghecomen beneven.

 

Mercurius gaf hem oock een bloeme verheven.

 

Die Moly ghenaemt vvert goet teghen t'fenijn.

 

Maer als sy syn ghesellen heeft te drincken ghegheven,

 

Die haer quamen besoecken, van haren valschen vvijn,

 

So vvert d'een eenen hont, en d'ander vvert een svvijn.

 

Iae Beiren en VVolven liepen daer int lant,

 

Onbeduchte menschen, sonder redelyck verstant.