¶ Die tweede maniere van confirmeren in Causen Coniecturael.
DEn heesscher sal den verweerder noch naerder comen, betooghende hoe dat niemant anders dat fayt gedaen en mach hebben dan desen verweerdere, wt causen, want hi daer alleene bate en profite af hebben mach, of eenige schade ontgaen, oft dat hijt bi gheen betere middele en hadde moghen doen, oft dat hi andere middelen ghelaten heeft om die groote begheerlicheydt. Hier op moet die verweerdere betooghen ist hem moghelijck, dat andere menschen oock dit selue fayt profitelijck wesen mochte. En dat andere ooc also wel als hi tselue hadde moghen doen ende vulbrenghen.
Auteursrechtvrij