gehoort wesen, oft niet. &c. Den tijt, oft bi daghe was oft bi nachte, wat tijde des iaers, wat dach wat hueren. &c. Die spacie wert geconsidereert, te wetene oft den tijt lanc ghenoech mocht wesen om sulc fayt te doene, oft den verweerder ooc wel weten mochte dat hi tijts ghenoech hebben soude, want het mach luttel argueren, dat hi tijts ghenoech hebben mochte, ist dat hi van te voren tselue niet en heeft moghen weten ofte voorsien. Die occasie salmen aenmercken, oft si wel bequame was, oft dat die rechte middele was om sulc fayt te bestaene, oft datter wel ander beter was die ghepasseert was, oft die hi niet verbeydt en heeft. Dye hope van vulbringhene salmen oock neerstelijck aenmercken, of hi al tgene dat voorseyt es tsinen voordeele heeft ghehadt. Bouendien salmen betooghen, hoe hi van zijnder siden heeft ghehadt die macht, het ghelt, den raet, die const, die subtijlheydt, die ghereedtschap. Vander ander siden die crancheyt, weerloosheydt, aermoede, ongheleertheyt, onwetentheyt, onuoorsienicheyt, onghereetschap. Biden welcken hi wel versekert wesen mochte, oft daer hope was zijn fayt te moghen vulbringhene, ofte niet. Die hope van helen werdt aenghemerct, oft van dit fayt yemant weten mochte dan den verweerdere alleene, oft dat hy hem wel betrauwet op zijn complicen, als wesende van sinen huysghesinne, zijn dienaers, ondersaten, vrienden, mede verbonden, oft tsamen ghesworen. &c. Alle dese plaetsen ende circumstantien,
Auteursrechtvrij