Logo DBNL
Het bosken en Het theatre (1979)

Het bosken en Het theatre

(1979)–Jan van der Noot–rechtenstatus Auteursrechtelijk beschermd

Vorige Volgende

*L'auteur, audict Guillaume de Poetou, *

Poët Betunois pour response.
Ode.

 
Des que mon oeil aperceut ton ouurage
 
Tant doctement tissu & compose,
 
Meu & rauy de ta Poëtiqu' rage, 3
 
Ie fus soudain vers tissir dispose: 4
5
Voir & d ouurir de mes sens la custode, 5
 
Pour te respondre & graces te donner
 
Du beau Sonet & douce-coulante Ode, 7
 
Qu'a mon honneur il t'a pleu façonner.
 
 
 
D'autant i'ay pris ma Lyre Antuerpienne, 9
10
O qui souloit à mon command vanter 10
 
L insigne honneur d vne noblesse ancienne,
 
Et bien souuent souloit aussy chanter
 
De ma Maitresse & la beauté & gloire,
 
Dignes subiets de mes suefs labeurs: 14
15
Car ceux pour vray, m'ont fait des fois mil boire 15
 
Es saints ruisseaux des neuf pudiques Soeurs. 16
 
Soit mon Poetou, que ma cauée Lyre, * 17
 
Coustumier n'est de chanter en François,
 
Veu toutefois qu'elle tasche à bien dire:
20
I'accommodray à sa touche ma vois. 20
 
Mon Lut d'iuoire & Lyre Brabançonne,
 
De mes labeurs l'vnique consoler,
 
Soit qu'en Tuscan ou Espagnol ie sonne, 23
 
Se sçait au gré de mes sens moduler.
 
 
25
Si i'ay receu des Muses gratieuses
 
Quelque faueur ou Poëtique don:
 
Ou si es Vers & actes vertueuses
 
Ie me delecte en tout temps & saison,
 
Ou si Phebus diuin fils de Latone 29
30
M'a enflammé l'esprit & le cerueau,
 
Et si m'a fait comme ton Lut resonne, 31
 
De vert Laurier vn flourissant chappeau:
 
 
 
Voire Poetou, si l'Olympien Pere, 33
 
Pere tout bon, & Dieu de purité,
35
En me donnant vie heureuse & prospere,
 
Par son immense & haute autorité,
 
Grace m'a fait en cest celebre ville 37
 
Me mettre au rang des Nobles Senateurs, 38
 
Comme iadis du Senat immobile
40
Furent mes vrais & bons Antecesseurs: 39-40
 
 
 
*Certainement entre tout' aduenture, 41
 
Que i'ay receu en ce terrestre lieu,
 
Aucune heureuse, autre aspre, & l'autre dure, 43
 
Ie n'ay receu plus-grand bien de mon Dieu,
45
Que d'auoir eu de toy la cognossance,
 
Que i'ayme plus, ie le dis clerement,
 
Que l'auoir grand de Mide, & la cheuance, 47
 
Qui se perit en vn bien brief moument.
 
 
 
A iuste droit, Poetou ie le peux dire,
50
Car plus-grand heur ie ne pourois auoir, 50
 
Que ta faueur & graces que i admire,
 
Par les hauts traits qu'immortels tu faits voir.
 
Pour vray Amy, la grace & faueur tienne
 
Vaut plus pour moy que la faueur des Rois,
55
Ou que d'auoir la mine Arabienne, 55
 
Ou les thresors des plus riches Indois.
 
 
 
Car quand ce vient que la bourrelle parque 57
 
Trenche & derumpt nostre destiné fil,
 
Nous enbarquant dedans le schif & barque 59
60
De ce Charon d'enfer passager vil, 60
 
Que proufit il alors la Seignorie, 61
 
Et d'or vn nombre, & d'argent amas grand?
 
Qui n'a seruy, ô triste facetie, 63
 
Las, que de cure & de soing tresmordant. 64
 
 
65
C'est autre chose ô Poetou, des Poëtes *
 
Qui ont tousiours chanté diuinement,
 
Et du haut Dieu comme sages prophetes,
 
Interpretés les lois soigneusement. 68
 
Ceux la, Poetou, par vn merite iuste
70
Ont acqueru perpetuel renom, 70
 
Maugré la parque, & porte-faux robuste 71
 
De Stix, & Lethe, & du fleuue Acheron. 72
 
 
 
D'iceux Poetou, les immortelles ames 73
 
Logées sont en ioye & en deduit 74
75
Es Champs heureus d'Elyse & Royaumes 75
 
De poindant soing elongés & de bruit, 76
 
Là, en ces lieux, Nuict, n'Hyuer ne domine,
 
Ains vn clair iour, & amene printans. 78
 
Ne l'auarice, ò qui ronge & amine 79
80
Coeur, corps & sens des caduques viuans.
 
Là, vont ils donc parmy la douce plaine
 
Heureusement libres se pourmener, 82
 
Et aucuns d'eux pres de quelque fontaine 83
 
Vont reposer, dormir & sommeiller:
85
Les autres vont sous les verdes ramées,
 
Portans en teste & girlande & chappeaus 86
 
De lhierre & mirthe, & sur harpes dorées
 
Haut fredonnant Hymnes & Chants nouueaus.
 
 
 
*Pendant Poetou, que cest' felice bande
90
Contemple & voit, par le vouloir des Dieux,
 
Les saintz secés, plaisirs & gloire grande 91
 
Du paradis des hautz syderés cieux: 92
 
Leurs beaus escris, vrais tesmoings de leur gloire,
 
Par l'vniuers voltigent noblement,
95
Et pour Trophee au Temple de Memoire
 
Les diuins Noms appendus hautement. 96
 
 
 
Maugré le Temps & sa faux & 1'audace, 97
 
Les noms de ceux qu'ils nous ont publiés,
 
Par leur escris luisent en toute place,
100
Sans, ô Poetou, iamais estre oubliés.
 
Sy l'aueuglé & bien-disant Homere
 
N'eut des vifs traits peinct la force d'Hector,
 
Mis en oubly seroit auec son pere, 103
 
Et les beaus ans du sage & vieil Nestor. 104
105
Par ce Doriqu', le furieus Achille 105
 
Est renommé en ce grand vniuers:
 
Sans luy seroit la gloire inutille
 
D'Agamemnon, pourtrait dedans ses vers: 108
 
Par luy on voit le bon viellart Anchise
110
Sur le fort dos d'Ené son fils ploier: 110
 
Par luy on voit en cendre Troie mise,
 
Et aus Gregeois victoire pour loier. 112
 
 
 
Ainsi feras de ceus les noms reuiure, *
 
Qui engraués seront dans tes escrits.
115
Moy donc heureux, qui suis peinct dans ce liure:
 
Puis que cogneu seray de pere en fils.
 
Semblablement des Cheuailliers de Malte 117
 
Les excellens & heroyques faits,
 
Viuront par toy Poetou, qui les exalte
120
Par vn Cantique à Christ chief des parfaits.
 
 
 
En verité ce leur est (à brief dire)
 
Gloire immortelle & triumphant honneur:
 
Car du tombeau viuement tu les tire,
 
Par tes escrits & Nomienne ardeur. 124
125
Deux & trois-fois heureux tu es qui tasche
 
Eternisant ton renom & bon-heur,
 
Des vertueus pourtraire au vif la face, 127
 
Et les beaux noms dans ta Ioye en labeur. 128
 
 
 
Quant est de moy, il n'y a chose au monde,
130
Qui plus Poetou, recrée mes clers yeux,
 
Que des noeuf Soeurs & troupe vagabonde 131
 
Les pas ensuyure a l'enuy & au mieux: 132
 
Soit donc Amy que ie veille ou repose,
 
Ou qu'es beaus champs ie me pourmeine & bois 134
135
Fantastiquant, or vn Chant ie compose, 135
 
Or vn Sonet, or vne Ode a mon chois.
 
 
 
*Des que ma main sur l'outill' des Neuf oeuure, 137
 
Vn demy-Dieu ie m'estime & me dis:
 
Dont m'est aduis, tout ce que le ciel coeuure, 139
140
Soit fait pour moy, & pour orner mes dits.
 
Ce doux labeur tant enflamme & recrée
 
Les miens cinc sens, & ame & coeur encor',
 
Qu'il m'est a veoir, ô que la vierge Astrée 143
 
Soit reuenue auec le Siecle d'or.
 
 
145
Toute tristesse & affligeante paine,
 
Regret, soucy, melancolie & soing,
 
Noise, debat, discord, ennuy & hayne 147
 
Sont dechassés en arriere, & bien loing
 
De mon esprit, qui paix, amour embrace,
150
Humilité, vertu, ioye & playsirs,
 
Et des neuf Soeurs & Charités la grace, 151
 
Contentement de mes faits & desirs. 152
 
 
 
A iuste droit me conuient rendre grace
 
Au Delien & au troupeau diuin 154
155
Qui rengé m'a, plongeant la mienne face 155
 
Dans le grondant ruisselet Cabalin, 156
 
Au rang sacré des immortels Poëtes,
 
Et de Musique & peincture amy fait,
 
Lanceant dans moy de leur flammes secretes
160
Le rauissant & Prophetique trait.
 
 
 
Gentil Poetou, dans qui vertu opere, *
 
Et dont le nom volle par l'vniuers:
 
Auec le temps on cognoistra i'espere,
 
De quels traits sont mes Teutoniques vers, 164
165
Et de quelle art ma Brabançonne lime 165
 
Dore & polit les labeurs Gallicains, 166
 
Que ie façonne, & ourdis & anime, 167
 
Or à mon Lut, vois, Chants & dits hautains. 168
 
 
 
Or ce pendant que Cleion me calcitre 169
170
De verd Laurier vn chappeau façonner, 170
 
Pour de toy seul, qui des Neuf es Ministre,
 
La teste & chief triumphant couronner: 171-2
 
Efforce toy par tes labeurs d'attaindre
 
Le but heureus auquel veus paruenir. 174
175
Moy & les miens i'emploiray sans rien faindre, 175
 
Pour au besoing t'ayder & suruenir.
 
 
 
Parquoy, Poetou, si de Louuain fameuse 177
 
De tous nerfs veus l'Academie hanter, 178
 
Pour d'Apollon (chief de la troupe heureuse) 179
180
Et d Esculape, les tresdoux fruits gouster: 180
 
Tiens toy certain, aidant la bonté haute 181
 
Du tonant pere, & de mes bons amis, 182
 
Que tu n'auras de mes suffrages faute 183
 
Des Letterés, si veus estre au rang mis. 184
 
 
185
*Trauaille donc mon Poetou, & ne chome,
 
De ton destin veoir le couronnement: 186
 
Poursuis ta proye en brusqu' & gaillard homme, 187
 
Le Temps s'en va irreuocablement:
 
Pendant donques que le clair Ciel te pousse 189
190
De vertu ferme ascendre l'aspre mont, 190
 
Tasche, Poetou, l'encommencée course,
 
Paracheuer d'esprit vrgent & pront. 191-2

Vorige Volgende

Over het gehele werk

titels


auteurs