Princelijcke deuijsen

[fol. 15v]

Vltus auos Troiae.

Coninck Lodewijck van Vranckrijck de twaelfste van dier namen, als erfhertoghe van Orleans ende wt dien Graue van Blois, voerde voor zijn deuijse een vercken met scherpen borstels gelijc een Echel: welcke beeste metten wolf voorseyde stadt van Blois ouer ouden tijden heeft

[fol. 16r]

ghevoert voor haer wapen, als ic daer ter plaetsen ghesien hebbe in veel steenen ende portalen gehouwen staen. Dit dier is wter naturen soo wel ghewapent, dat hem seluen⁺ verweert teghen de gene diet tergen, ende sonderlinghe teghen die honden biedende henlieden zijn borstelen die seer scherp zijn, alsoo snel ende dapper oft pijlen waren. Ende om breeder te verclaren dese deuijse, soo staet inde voorseyde stadt van Blois een edelmans huys, daer voren dat inde geuel staet in steen ghehouwen dusdanigen vercken, ende daer onder dese twee verskens:

Spicula sunt humili pax haec, sed bella superbo.
Et salus ex nostro vulnere nexq́ue venit.

+ Plinius.