Princelijcke deuijsen

Vlterius tentare veto.

Voor die toecomste Christi, was alree

[fol. 79v]

die kennisse ghegheuen van het mysterie der heyligher drieuuldicheyt onder die heydenen ende ongheloouighe menschen. De welcke beteekent was prophetelick byde drieuoudige beeldt vanden Godt der Sabinen,⁺ dien sy hieten Sanctus Fidius & Semipater. Desen Godt werdt van henlieden ghedraghen binnen Romen, ende seyden dat hy drie namen hadde, hoe wel dat hy inder waerheyt maer een was. Ende al wast dat sy alle drie hadden eenen tempel ghewijt op den berch binnen Roomen, soo en voerde den tempel nochtans maer den name vanden eenen. De opinie, fantasie oft persuasie vanden menschen, aengaende die drievoudighe beelde werden soo groot, datse wonderlicke groote autoriteyt creech int doen van eenigen eedt. In welcke beeldt verstaen wordt een drievoudighe macht Gods onder eenen Godt Fidius die inde⁺ middel was. Dese seer oude Sabinen waren seer Godtvreesende, waer af dat si haerlieder name hebben. Ende sonder twijfel die ghene die meest Godtvreesende gheweest zijn, hebben oock altijts de meeste kennisse vanden ghelooue ghehadt ende meest verlicht gheweest.

+ [...]dus

+ [...]nius.