met seker schoone croonen oft hoeykens, die generalick om der oorsaken geheeten werden, oorloochse Croonen van triumphe. Ende om dat gheweest zijn teekens van eere ende vromicheyt, soo zijn hier die figuren vande principaelste ende edelste, ghestelt voor deuijsen: soo wel tot lof, prijs ende eere, ende ghedenckenisse vanden ouden edeldom, als oock tot recreacie, troost ende hope vanden edeldom die nv is, dwelcke is begheerende ende neersticheyt doende om te vercrijghen den loon die ghestelt is ende toebehoort de beschermers vanden goeden gemeenten. Daeromme die eerste croone die hier gefigureert is, representeert den hoet oft croone van triumphe: de welcke gemaect ende gevlochten zijnde van groene lauwer tacxkens metten baynoten, wert gegeuen die de victorie vercreghen hadde: den welcken by ordinancie vanden raedt, geoorloft was triumphelick te rijden op een waghen lancx die stadt van Romen, als victorie gevochten hebbende op zijn vianden. Nochtans soo moest hy doen blijcken eer dat hy sulcke triumphe doen mochte, datter bleuen waren vanden vianden in eenen strijdt tvolle ghetal van vijf duysent persoonen. De voorseyde hoet oft croone van triumphe begonst by lancheyt van tijden, alst Keyserijck declineerde, gemengt te worden ende
Auteursrechtvrij
