dich zijn ghesproken te wesen van een simpel edelman, maer wel van een goet ende oprecht Prince: maer aldermeest soo is hy te prijsen, dat hijt metten wercken seer wel is bewijsende, hebbende altijts het huys vol gheleerde mannen, ende daer en bouen noch is gheuende veel meer ander die verre van hem zijn goede gagen ende pensioen. Daeromme soo heeft goet ghedocht hem te gheuen dese deuijse, van eenen arm inde lucht, stortenden eenen cop vol ghelts, op eenen outaer, eenen boeck ende een helmet, met dese woorden: Expetendae opes, vt dignis largiamur. Nemende den outaer voor die duecht ende verdienste vande seer geleerde mannen oft seer vroom ter wapen (ghelijck dat bewijsen de boeck ende helmet) ende die wijde vanden openen cop, voor die merckelicke ende daghelicsche mildicheyt van desen edelen man.
Auteursrechtvrij
