Recht als een Diamant heur beyder huys vercieren:
En al dat sij bestaen, sal wel geluckich tieren.
Den Heer heeft sulx begeert, en geeft sijn zegen meest,
VVanneer dat dese twee zijn als een lijf en geest.
DOor den Diamant wort beteeckent de Liefde ende onverwinnelike Vromichheyt van den Coninck ende Coninginne van Navarre: Ende door de Sonne ende Maen, den glans ende doorluchtigheyt van haerlieder onverghelijckelicke vrome daden; mitsgaders de oneyndelicke Liefde, die sij malcanderen ghedraghen hebben, ende altijt draghen sullen, ghelijck Son en Maen: ende oock door de volghende woorden, Simul & semper, dat is, Tsamen ende altijts.
Auteursrechtvrij
