Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Bouck der bloemen (1904)

Informatie terzijde

  • Verantwoording
  • Inhoudsopgave

Downloads

PDF van tekst (0.93 MB)

XML (0.42 MB)

tekstbestand






Editeur

Stephanus Schoutens



Genre

proza

Subgenre

roman


In samenwerking met:

(opent in nieuw venster)

© zie Auteursrecht en gebruiksvoorwaarden.

Bouck der bloemen

(1904)–Dirc Potter–rechtenstatus Auteursrecht onbekend

Vorige Volgende

Dit es vander xxxvij. ende een goede bloem gheheiten. ghedenckenisse

Memoria in latijn dat is in duytschen te seggen onthoudenis of ghedenckenis dat is oec een vanden goeden bloemen. want bij ghedenckenis ende goede memorie soe is menich arm man tot groter consten ghecomen ende daer nae tot groten state werdicheit ende eeren. Dat een minsche vele

[pagina 106]
[p. 106]

leset ende hoert ende niet en verstaet dat coempt hem tot cleynen vroeme. ende of hijt verstaet soe coemt al aen die onthoudenis want ist dat hijs niet en onthout soe en heeft hij niet gheleert. Memoria is een onthoudenis der leeringhe diemen ghehoert of aenghenomen hevet. dair bij sij inder hertten also ghesloten wort ende der ghedenckenis bevoelen dat sij dair niet wt en dwalet mit verghetelheit.

Dese onthoudenis is te ghelijken bij den raven dan een voeghel is die seer langhe leeft. Ende is soe goet ende natuerlijc van onthout dat hij een minsche kennen sal die sijn eyeren ghenomen of hem eens quaet ghedaen heeft. Ende soe hij van aerde diefachtich is soe steelt hij ghelt of goed dat hem licht te draghen is ende vlieghet daer mede op een heymelijke stad daer hij sijn diefte berget. Ende al worde hij ghevanghen ende in een duyster gyole gheset ende gehouden seven jaer lanc soe soude hij daer in tenden die stede wel vinden daer hijt gheleit hadde.

Die goede memorie heeft op ghehouden saken die gaen den wech te gode wart. Want hylarius die heilige doctor seit Goede ghedachten comen altoes van gode ende soe wij quaet denct die doet quaet die ghedachte is altoes voer die daet. Wt goede ghedachten comen goede wercken. ende wt quaede ghedachten comen quade wercken. Die gherechte wijse man. et hij. drinct hij. hij heeft altoes sijns selfs d walinghe voer oghen. Ende sijn dwalinge is altoes beroerende sijn consciencie soe dat sijs hem niet en laet vergeten noch rusten.

Sinte gregorius seit. Het is mij orberlijck mijn crancheit te ghedencken ende dat ic oic mijnen vrienden vermane dat sij der hoerre ghedencken. Op dat die minschelijke crancheit niet voerder over en trede dan sij wel sekerlijc vermach. Ick heb vele hoeren seggen van luden die eene gheleerde const hadden. als dat sij eenen gansen boec wt ghelesen hadden sij soudent ewelijck onthouden hebben. ende die const hiet in latijn ars notoria. Mer want ic wel verstaen dat sij mit groten sonden wort vercreghen hoe wel datter groete penitencie toe staet. Mer dat en is niet om gode soe en can icse niet loven ende is al geheel tegen natuer.

Gods te ghedencken ende der sonden om die te beteren dat is wel bedacht. Ydel ghedachten die brenghen melancolie ende die beswairt des minschen hertte wij sullen altoes onse misdaden ghedencken op dat wise niet en vergheten onghebert. ende bidden altijd gode dat hij onser oudere sonden niet ghedencken en wil. ende die afdwaye mit sijnre ontfermherticheit ende off wij yets goets ghedaen hebben dat hij ons dat wesen laet in afcorttinghe onser misdaden. Nae menichfoudicheit der minschen soe sijn menichfoudicheit der ghedachten.

Een goed minsche die in contemplacien leeft en ghedenct anders niet dan gode te voldoen ende sijn hulde te verdienen mit goede werken. Die nidiche minsche en ghedenct anders niet dan wrake te volbrengen op die hem misdoen off missproken moghen hebben. Ende hij hout den nijt ende begherte van wrake altoes in sijn hertte.

Sinte pauwels leert dat wij onse ghedachten setten sellen in gode die sal ons helpen anders te ghedencken dats ydelheit.

Het waren eens twee acker lude die een was seer gierich om dat ertsche goet ende dacht of hij wonsche moecht hebben van weder hij solde alte rijck

[pagina 107]
[p. 107]

werden. Ende god gaf hem sijnen wonsche ende hij wonschede enen droghen somer. Doen wart dat eertrijck also dorre ende sijn coirn waert seer cleyn ende magher soe dat hem niet en ghenoechde. Doe wonschede hij enen natan somer. doen wart dat coirn alsoe verwatert ende sijn beesten gingen oec int water soe dat sij storven. ende sijn gierich woenschen verghinck hem al te quade. Die ander liet gode mede begaen ende nam den tijt alsen hem god gaf. Ende alsoe hij sijn ghedachten slechts in gode sette ende onsen heer daer mede liet gewerden nae sijnen godlijke wille. soe verghinc hem wel ende wart rijck ende salich ende hadde een goet ende.

 
Set u ghedachten altoes in gode.
 
Ende onthout wel sijn ghebode.
 
Laet u memorie van hem niet scheiden.
 
Soe sal hij u sijn rijck bereyden.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken