Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Bouck der bloemen (1904)

Informatie terzijde

  • Verantwoording
  • Inhoudsopgave

Downloads

PDF van tekst (0.93 MB)

XML (0.42 MB)

tekstbestand






Editeur

Stephanus Schoutens



Genre

proza

Subgenre

roman


In samenwerking met:

(opent in nieuw venster)

© zie Auteursrecht en gebruiksvoorwaarden.

Bouck der bloemen

(1904)–Dirc Potter–rechtenstatus Auteursrecht onbekend

Vorige Volgende

dits vander xlijster ende een snode bloeme gheheiten ongehoersamheit

Ghehorsamheit heeft viande dat vuyle quade onreyn blomen sijn gheheite onghehorsamheit wederstribbicheit ende overhoricheit. Die seer ghelijc sijn van condicien al ist dat sij .iij. namen hebben. Oec sijnre veel meer die susteren sijn vanden selven gheslechte daer luttel goets af te scriven is. want dese onghehorsamheit nae dat is mij can bevroeden soe ist een suster der hoverdien. Die altijt weyghert der onderdanicheit te volghen ende doechdelijke werken te consenteren. want sij nyemande kennen noch neygen en willen dan hem selven.

Dese vuyle onghehorsamheit ghescide ierst inden paradijse ende soe vele als sij hogher in eenre stat ghedacht waert soe sij inder erden hoverdelijker ghehouden wart. Want wie onghehorsam is van natueren die is oec van seden hoverdich ende die hoverdich is en can niemande onderdanich sijn als elk merckende minsche wel proven mach Bij onghehorsamheit sijn wij allen ter doot gebracht. soe dat wij allen den doot natuerlijck sterven moten. hadden adam ende eva den ghebode gods onderdanich gheweest soe hadden wij ewelijc inden leven ghebleven. Nu hebben sij mit horrer ierste onghehoersamheit ons allen daer toe ghebroecht dat wij ter doot onderdanich moeten sijn. Alle die ye ghewaren ende ymmermeer worden sullen sijn sij paus keyser coninghen voersten gheestelijken off wereltlijken groet of cleyn rijck of arm sonder enighe wtneminghe want sint dat die soen gods sterf soe en macher niemant vrij af wesen.

Dese onghehoersamheit ghelijken wij bij den serpente dat niemant ghehoersam en is. wantet die ierste onghehoersamheit toe broechte inden paradijse. als doet even becoerde ende nae voert adam besmette ende hem daer toe brochte dat hijt alre ierste ghebot brack. Ende aten beyde vander vrucht des levens daer sij bij wisten goet ende quaet des sij te voeten niet en wisten. welc hem god gheboot als hijse ghescepen hadden Ende wat voeghel of beeste diemen ter werelt temmet of tottes minschen onderdanicheit mach brenghen dat serpent en machmen niet tot onderdanicheit brenghen want men machse niet ghenaken noch handelen omme hoers venijns wille ende alsoe fel ende soe wreet als sij sijn mit hoeren venijn. Soe wret sijn die ongehorsamige lude in horen wederstribbighen wille.

Sinte gregorius seit het is wel werdich dat hij van gods beneficien vervreemt sij die sijnen gheboden nye en wouden onderdanich sijn Crisostomus

[pagina 120]
[p. 120]

seit daer op soe die ghebode lichter te doen ende te houden sijn soe dien ghenen meer pijnen bereet wort diese niet en houden. Dus mach een yeghelijck wel proven want moghen wij dat cleyn ende dat licht niet doen hoe souden wij dan groete sware laste dragen van gheboden of van penitencien. Sonder twivel dat een minsche node doet ende mit onwille der hertten dat doet hij niet wel al waert oic goet dat hij dede dit sijn sinte augustijns worde.

Doch soe dunct mij op die correctie ende verbeteren mijnre doctoren. Hoe een minsche wel doet ende goet al ist teghen sijnen wille ende hij oec daer al strumende to gaet. Ten can ymmer niet quait wesen. want wt goet en can ymmer gheen quaet comen. Ick soude oic hopen alsoe een minsche bij wijlen quait doet bij beveel vanden gheenen die hij niet verhoeren en derre dat hij soe seer ymmer daer niet aen en misdoet als of hijt mit rechten wille dede. Die dient en is sijns selfs niet. Aldus iest bij wijlen wel ghevallen dat een ghehoersam ende onghehorsam was in eenre saken want besiet of hoerre twee sijn alse die here ende sijn balju. die heer ghebiet een sake te doen die bailju die onder den heer is ghebiet daer teghen te doen. Soe doen wij des oversten ghebot ende sijn hem ghehorich als wel betamelijc is. ende den bailju of die amptman sijn wij overhoerich dat en is gheen overhoericheit doechdelijc te verstaen.

Inder pelgrimaedse der luden van israel soe ghebuerdet dat sij quamen ende sloghen hoer tenten inden lande van moab. die coninc baal van moab seer duchtende voer dat volck van israel overmits dat sij bij der gracien gods allen der heydene lande wonnen daer omtreent. Ontboot hij ter stont den propheet balaam die oec heiden was ende beval hem dat hij dat volck van israel vermaledien soude op dat sij hem in sijnen lande niet en deerden. Balaam ghinck op eenen hogen berch daer hij allen dat volck oversach ende meendese te vermaledyen. daer die coninc baal bij stont soe quam god ende bevael hem dat hijse benedyen soude des die coninc doen seer tornich waer ende seide wat doestu ic beveel dij dese lude te vloken ende du benedijtse. Hij sprac en weetstu niet dat ic doen moet dat mij van boven bevoelen wort. Daen bevael hijt hem anderwerf noch worden hem sijn worden verkeert Derdewerf beval hijt hem mit eenen erren moede. balaam wart noch alsoe inghegeven dat hij dat heer van israel mit sconen worden ende prophetelijken hogher benediede dan hij voer ye ghedan hadde. des die coninc doen alte seer verbolghen wairt vraechde mit harden worden waer omme hij dat also gedaen hadde. Balaam seide du wilst dat volck gods vermaledijt hebben dat god ghebenedijt wil hebben. wes ghebod niemant voirgaen en mach. Doen hoerde die coninck wel hoe hij hadde ghevaren. mer balaam was onderdanich des oversten ghebode ende liet die gebode des conincs. Ende hij reet weder thuys op sijnen esel die onder weghen ghesproken hadde doen hij tot den coninc baal reet dat al hier te lanc wair te vertellen.

Cyrus die coninc van persen die oec een heiden was en dorst gode niet onghehorsam wesen ende seide. God vanden hiemel heeft mij bevoelen sijn huys te maken binnen jheruzalem. Nochtan was hij een heiden ende die meest alle die werelt aen gheen seide [l. sijde] des meers te regeren hadde. Ende gaf grote renten ende goeden totter tymmeringhen des tempels.

Saul die coninck als hij strijden soude bijden wille gods teghen die van amelech soe bevael hem god dat hier gheen te lijve laten en soude. Noch

[pagina 121]
[p. 121]

man noch wijf noch kinder noch beeste om enige scoenheit die daer aen ligghen mochte. Dus soe woude hem god proven. Mer saul en hielt dat ghebot niet want hij dede agog die coninc van amelech ende die edelinghe ende schoene vrouwen op houden. ende scoen beesten die ghenoechlijck waren en sloech hij oec niet doot soe hem god bevoelen hadde. Om welker onghehoersamheit die propheet samuel tot hem quam van gods wegen ende verweet hem des ende seide. Om dattu den gheboden gods niet en hebst onderdanich geweest. ende agog ende al dat scoen was ghespart hebst. soe sulstu dair omme sterven ende god sal dijn rijck geven dien dijn beter is. Ende saul seyde die scone beesten had hij ghehouden om gode te offeren. Doen spraick die propheet ende seyde. Onderdanicheit is hem beter dan offerhande.

Bernardus seit. ghevalt dat mij mijn overste ghebiet te swijghen. ende mij dan ter avontueren een wordekijn ontvalt soe kenne ic mij mesdadich tegen der ghehorsamheit genadelijck. Ende ist dat ic wetende ende mit wille in worden valle ten dat ghebot mijns oversten. soe kenne ic mij eyn overtreder ende misdadich sondelijc. Mer ist dat ic mit vliete dat aen houde ende daer bij blijve ter doot toe soe kenne ic mij over alle mate ghesondicht te hebben ende in verdoemenisse ghevallen te wesen. [Daer om dunct mij wel noet sijn huden des daghes inder heiligher scrifte om der simpelheit ende ongheleertheit der lude. datmen hem vraghe wat wiltu dat ick doen want sij en vraghen niet heer wat wiltu ghedaen hebben van mij. dair om sal billic die overste alf die vicarius gods inder gestelijcheit considereren ende overdencken wat sijn ondersaten gheboden willen hebben. want sij en overdencken niet wat die gebieder bevelen wil.]

Doen onse here god Jonas den heiligen propheet bevael te trecken binnen der stat van niniven. om hem te predicken dat sij tenden .xv. dagen verghaen souden want se god doemen woude om hoerre sonden wille. Doen was hij wat onwillich want hij en dorstes niet bestaen ende hadde gherne onghehorsam gheworden. Mer god en woude des niet lijden want hij quam daer teghen sijnen danck. Ende soe hij daer teghen strevende soe woude hij in eyn ander lant om dat hem god die reese verdraghen soude. Als hij quam wanderen bijder zee bij een haven soe van [l. vant] hij daer een sceep dat in azia woude daer hij doen mede in ghinck. Ende sij een stuck inder zee wesende quam een groet storm soe overdraghende dat sij duchten allen te verdrencken. Ende doen sij in deser groter noet waren soe spraic een van hem luyden. Hier moet yemant inden scepe wesen daer god op vebrolghen is laet ons sien wat luyde hier in sijn. Ende sochten beneden inden scepe daer vanden sij Jonam alleen heimelijc sitten sij stietente mitten voeten ende seiden bistu die man daer ons dit jamer af compt. Hij die wel wiste dat god op hem vertornt was om der overhoricheit Te hant also alst god voer gheordeniert hadde soe worpen sij hem wten scepe inder zee Rechte vort was daer een walvisch die hem ontfinc ende inslinde. Doen was te hant alle die storm ghelesschet ende die lude waren wel te vreden. Die walvisch swam sijnen wech doer die zee daer hem god hebben woude ende hilt jonam in sijnen buyck .iij. daghe ende .iij. nachte. Ende ten derden daghe scoet hij den propheet wt ende werpen te niniven optlant. Doen dede hij sijn botscap als hem god bevoelen hadde. Dus was hij onghehorsam ende wairt nae weder gehoersam sijns ondanckes.

 
Ich rade elcken dat hij hem wachte.
 
Voer onghehoersamheit ende achte.
 
Gods gheboden ende sijnre heeren.
 
Soe sal sijn dienst in doechden meerren.
[pagina 122]
[p. 122]


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken